२२ माघ २०७९, आइतबार | February 6, 2023

रुपन्देही सामुहिक हत्याकाण्ड : मानसिक रुपमा बिक्षिप्त भएर सामुहिक हत्या गरे : प्रहरी



बुटवल । रुपन्देहीको तिलोत्तमामा भएको सामुहिक हत्यामा संलग्न अभियुक्तले आफुलाई होच्याएको र अपहेलना गरेका कारण ५ जनाको हत्या आफैले गरेको बयान दिएको बयान दिएपनि घटनाको प्रकृतिले हत्याकाण्ड रहस्मय देखिएको छ ।

घटना भएको स्थान, घटनाको प्रकृति र स्थानीयबासिन्दाको भनाइका आधारमा घटनाको रहस्य खोतल्न आवश्यक रहेको देखिएको हो । ५ जनालाई लगातार फरुवा प्रहार गर्दा पनि कसैले चाल नपाउनु, घटनास्थलमा छरप्रष्ट नभएर एकै ठाउँमा मारेर तन्नाले छोपेको अवस्थामा शव भेटिनुबाट पनि घटनामा थप अनुसन्धान आवश्यक रहेको देखिएको छ ।

यद्यपी, जिल्ला प्रहरी कार्यालय रुपन्देहीले भने बुधबार बुटवलमा पत्रकार सम्मेलन गर्दै अभियुक्तले हत्या सकारेको जानकारी दिएको छ ।

मारिएकाहरुले आफुलाई व्यक्तिगत आक्षेप लगाउने, एक्लो बनाउने र चरित्र हत्या समेत गर्ने गरेकाले विक्षिप्त भएर आफैले हत्या गरेको प्रहरीलाई बयान दिएको जनाएको छ ।

प्रहरीले श्रीमतीले छाडेपछि हत्यामा संलग्न भनिएका सुर्खेतका झसेन्द्रको मानसिक अवस्था कमजोर रहेको र विक्षिप्त भएको भनेपनि स्थानीयले भने उनी शान्त शोभावका धेरै नबोल्ने प्रकृतिका व्यक्ति भएको बताएकाछन् ।

हत्यामा संलग्न भएको आरोपमा प्रहरीले सुर्खेत घर भएका झसेन्द्र सिंजालीलाई प्रहरीले घटनास्थलबाटै बेहोस अवस्थामा पक्राउ गरेको थियो ।

रुपन्देहीको तिलोत्तमा १० कान्छीबजार स्थित एउटा पशुफर्ममा मंगलबार बिहान ५ जनाको सामुहिक हत्या भएको थियो । फरुवाले प्रहार गरि हत्या गरिएकाहरुमा पशुफर्मकै कामदार माधव मुसहर, पोखराज मुसहर, जानकी मुसहर तथा कामदार पोखराज मुसहरका साथी करण चौधरी र आशिश चौधरी रहेका थिए । मृतक माधव र जानकी श्रीमान श्रीमती हुन् ।

पत्रकार सम्मेलनमा बोल्दै प्रदेश ५ प्रहरी कार्यालयका वरिष्ठ प्रहरी उपरिक्षक राजकुमार बैदवारले श्रीमतीले छाडेको र मृतकहरुले होच्याएको कारण विक्षिप्त भएर हत्या गरेको हुन सक्ने बताउनुभयो ।

घटनाको प्रकृति र मृतकहरुलाई नजिकबाट नियालिरहेका छिमेकीहरुले भने हत्यालाई रहस्मय बताएकाछन् ।

बेलुका सुत्ने बेलामा छुट्टै कोठामा सुतेका माधव मसुहर र उनकी श्रीमती जानकी मसुहरको समेत एकैस्थानमा हत्या भएपछि घटनालाई स्थानीयले रहश्यमय मानेका छन् । ५ जनालाई पालैपालो फरुवा प्रहार गरिरहँदा एक जनाले पनि थाहा नपाउनु पत्याउन नसकिने भएको नाम नबताउने सर्तमा एकजना स्थानीयले बताए । उनका अनुसार या त उनीहरुलाई बेहोस हुने बिष दिएर प्रहार गरिएको हुनु पर्छ या हत्यामा अन्यको पनि संलग्न हुनु पर्छ ।

प्रहरीले सबैले सँगै मदिरा सेवन गरेर सँगै सुतेको र राती सिंजालीले उठेर फरुवाले प्रहार गरेको बताए पनि अन्य पुरुषहरुसँगै लहरै श्रीमतीलाई सुताउने अवस्था कसैको पनि हुन नसक्ने स्थानीयको विश्लेषण छ ।

प्रदेश प्रहरी कार्यालयले घटना लगत्तै प्रदेश प्रहरी प्रवक्ता बैदवारको संयोजकत्वमा छानबिन समिति गठन गरेको थियो ।

प्रकाशित मिति : २८ जेष्ठ २०७७, बुधबार  ७ : ०४ बजे

७ बुँदे बुटवल घोषणापत्र जारी गर्दै सकियो उपमहानगर सम्मेलन

बुटवल । ७ बुँदे बुटवल घोषणा पत्र जारी गर्दै उपमहानगरपालिकाहरुको

माघ २९ गतेका लागि एमालेले बोलायो केन्द्रीय कमिटी बैठक

काठमाडौं । निर्वाचनको समीक्षालगायत विषयमा छलफल गर्न नेकपा (एमाले) को

रास्वपाका मन्त्रीले प्रधानमन्त्रीलाई बुझाए राजीनामा

काठमाडौं । राष्ट्रिय स्वतन्त्र पार्टीबाट मन्त्री भएकाहरूले प्रधानमन्त्री पुष्पकमल दाहाल

बालुवाटारमा नेत्रविक्रम चन्द ‘विप्लव’र प्रधानमन्त्री प्रचण्डबीच भेटवार्ता

काठमाडौं । नेकपाका महासचिव नेत्रविक्रम चन्द ‘विप्लव’ र नेता खड्गबहादुर

रवि लामिछानेको अभिव्यक्ति प्रति पत्रकार महासंघको आपत्ति

काठमाडौं । पूर्व उपप्रधान तथा गृहमन्त्री रवि लामिछानेले पत्रकार सममेलनमा