सर्लाही । भारतबाट जवरजस्ती नेपाल प्रवेश गर्न खोज्ने भारतीय नागरिकलाई रोक्न खोज्दा सर्लाहीको नेपाल भारत सीमा क्षेत्रमा सशस्त्र प्रहरी र भारतीय नागरिकबीच झडप भएको छ ।
भारतीयले जवरजस्ती गर्दै प्रसशस्त्र हरीमाथि नै आक्रमण गर्न थालेपछि प्रतिरक्षाका लागि गोली चलाउँदा एक जनाको मृत्यु भएको छ ।
तस्करी गर्न नेपाल छिर्न खोजेका भारतीय नागरिकले सशस्त्र प्रहरीको हतियार खोस्न खोजेपछि झडप भएको थियो । घटनामा भारतीय नागिरक दुई र सशस्त्र प्रहरीका तीन जना घाइते भएको सशस्त्र प्रहरीका प्रवक्ता डीआईजी प्रवीणकुमार श्रेष्ठले बताउनुभयो । त्यसक्रममा बिहारको सितामढी लालवन्दीका लगन राम भन्ने व्यक्ति पक्राउ परेका छन् ।
शुक्रबार बिहान २०/२५ भारतीयहरु सशस्त्र प्रहरीको संग्रामपुरस्थित बीओपीमा आएर निहुँ खोजेका थिए । त्यसको केही बेरपछि ठूलो समुहमा आएका भारतीयसँग विवाद बढेको सशस्त्र प्रहरीले जनाएको छ ।
झडपलाई नियन्त्रणमा लिन सशस्त्र प्रहरीले १० राउण्ड हवाई फायर गरेको थियो ।
प्रतिक्रिया