१४ मंसिर २०८०, बिहिबार | November 30, 2023

कोरोना महामारीको जोखिम हुनेगरी प्रदर्शनमा नउत्रिन सरकारको पुनः आग्रह



काठमाडौं । सरकारले कोरोना भाइरसको महामारी फैलिँदै गरेको अवस्थामा सडकमा जुलुस र प्रदर्शन नगर्न पुनः आग्रह गरेकोछ ।

कोभिड–१९ संकट व्यवस्थापन केन्द्र निर्देशक समिति (सीसीएमसी)का संयोजक उपप्रधानमन्त्री तथा रक्षामन्त्री इश्वर पोखरेलले विज्ञप्ति जारी गरी कोरोना भाइरसको उच्च जोखिम रहेको अहिलेको असामान्य अवस्थाप्रति गम्भीर र संवेदनशील हुन विशेष आग्रह गर्दै प्रदर्शनहरुमा सहभागी नबन्न आग्रह गरेकाछन् ।

लकडाउनलाई क्रमश? खुकुलो बनाउँदै जनजीवनलाई सहज अवस्थामा फर्काउने निर्र्ण भैसकेको परिप्रेक्षमा सामाजिक दूरीलाई कायम राख्नु र संक्रमणको जोखिमलाई नियन्त्रण गर्न सहयोग गर्नु सबैको कर्तव्य स्मरण गराउँदै पोखरेलले थोरै असावधानले भयावह महामारीको रुप लिनसक्ने खतराप्रति सम्बद्ध सबैमा आह्वान पनि गरेका छन्न ।

विभिन्न माग राखेर केही दिन यता सरकारविरुद्ध प्रदर्शन भैरहेको छ । कोरोना भाइरस नियन्त्रण गर्न सरकार असफल बनेको, स्वास्थ्य सामाग्री खरिदमा भ्रष्टाचार गरेको, पीसीआ टेष्ट नगरेको लगायतका विभिन्न माग राखेर सुरु भएको स्वतस्फुर्त प्रदर्शनलाई प्रमुख प्रतिपक्षी दल काँग्रेसका नेताहरुले समर्थन जनाएका छन् । यस्तै जनता समाजवादी पार्टी जसपा, साझा पार्टी र विवेकशील पार्टीले भने औपचारिक रुपमै समर्थन जनाएका छन् ।

सीसीएमसी संयोजक पोखरेलले शनिबार प्रतिनिधिसभाबाट लिम्पियाधुरा, लिपुलेक र कालापानी क्षेत्र समेटिएको नक्शालाई नेपालको निशान छापमा समावेश गर्न संविधान संशोधनको निर्णय हुनलागेको स्मरण गराउँदै यस विशेष दिनलाई ऐतिहासिक बनाउन र स्वागत गर्न पनि आग्रह गरेका छन् ।

प्रकाशित मिति : ३० जेष्ठ २०७७, शुक्रबार  ८ : ४४ बजे

नारायणगढ-मुग्लिन खण्डका दुई पुल सञ्चालनमा

चितवन । नारायणगढ-मुग्लिन सडकखण्डका दुई पुल सञ्चालनमा आएका छन् ।

नेपाल सुपर लिग : साविक उपविजेता धनगढी र बुटवल लुम्बिनी फुटबल क्लब भिड्दै

काठमाडौं । नेपाल सुपर लिग (एनएसएल) दोस्रो संस्करणमा आज साविक

नेकपा एमालेको ‘मध्यपहाडी लोकमार्ग अभियान’ आजबाट सुरु

काठमाडौं । नेकपा एमालेको ‘मध्यपहाडी लोकमार्ग अभियान’ आजबाट सुरु हुदैँछ

एनएसएल : ललितपुर र पोखरा गोलरहित बराबरीमा रोकिए

काठमाडौं । राजधानीमा जारी नेपाल सुपर लिग (एनएसएल) अन्तर्गत ललितपुर

आजको मौसम : चार प्रदेशका पहाडी भू-भागमा वर्षाको सम्भावना

काठमाडौं । हाल देशमा पश्चिमी वायुको सामान्य प्रभाव रहेको छ