काठमाडौं । सरकारले विभिन्न चार जिल्लामा फेरि पूर्ण लकडाउन लगाउने भएको छ ।
एक्टिभ संक्रमितको संख्याका आधारमा पूर्ण लकडाउन लगाउने तयारी सरकारको छ ।
स्वास्थ्य तथा जनसंख्या मन्त्रालयले जारी गरेको नयाँ मापदण्ड अनुसार २ सय भन्दा धेरै एक्टिभ भएका विभिन्न जिल्लामा पूर्ण लकडाउन गर्ने उल्लेख भएकाले अहिलेलाई चार जिल्लामा पूर्ण लकडाउन लाग्ने भएको छ ।
अन्य जिल्लामा खुकुलो लकडाउन रहे पनि अहिले २ सय भन्दा धेरै एक्टिभ संक्रमित भएका दैलेख, कपिलबस्तु, रौतहट र सर्लाहीमा पूर्ण लकडाउन लाग्ने भएको छ ।
मन्त्रालयका अनुसार दैलेखमा ४ सय ४३, कपिलबस्तुमा ३ सय ५३, रौतहटमा ५ सय १६ र सर्लाहीमा ४ सय ७१ जना एक्टिभ संक्रमित छन् ।
मन्त्रालयका प्रवक्ता डा जागेश्वर गौतमले दुई सय भन्दा धेरै संक्रमित अन्य जिल्लामा पुगेमा ती जिल्लामा पनि पूर्ण लकडाउन लाग्ने बताउनुभयो ।
अर्को व्यवस्था नभएसम्मका लागि २ सय भन्दा धेरै एक्टिभ संक्रमित भएको ठाउँमा पूर्ण लकडाउन लाग्ने उहाको भनाइ छ ।
प्रतिक्रिया