बुटवल । पाल्पाको दोभानबाट बुटवल तर्फ आईरहेको इसुजु डबलक्याप जिप दुर्घटनामा परेका ५ घाईतेहरुलाई काठमाडौं रिफर गरिएको छ । ६ जना घाईते मध्य २ जनाको अवस्था चिन्ताजनक र अन्यको पनि थप उपचार आवश्यक परेको भन्दै उनीहरुलाई काठमाडौं रिफर गरिएको लुम्बिनी प्रादेशीक अस्पतालले जनाएको छ ।
दोभान बाट बुटवल तर्फ आउंदै गरेको प्रदेश ३-०१-२२ च ४५२२ नम्बरको जिप सिद्धबाबा मन्दिर देखि ५० मिटर उत्तर सडकबाट तिनाउ खोलामा खसेको थियो ।
घाइतेहरुहरुमा दया पाण्डे, नन्दु बस्यालको अवस्था गम्भिर रहेको अस्पतालले जनाएको छ । घाईते शिव पाण्डे, बालकृष्ण बस्याल र बिनोद बस्याललाई पनि काठमाडौं रिफर गरिएको छ । अर्का घाईते कृष्ण बस्यालको भने लुम्बिनी प्रादेशीक अस्पतालमा उपचार भईरहेको छ ।
२ दिन पहिले पनि सिद्धार्थ राजमार्गको सिद्धबाबा खण्डको हेडबक्स नजिकै एउटा टेक्सी तिनाउमा खास्दा एकजना घाईते भएका थिए ।
प्रतिक्रिया