गण्डकी प्रदेशमा थप ५८ जनामा कोरोना सक्रमण, प्रदेशमा संक्रमितको संख्या ४३८ पुग्यो

पोखरा । गण्डकी प्रदेशमा शनिबार बिहान थप ५८ जना कोरोना संक्रमण पुष्टि भएको छ ।

तनहुँ, नवलपुर, गोरखा, म्याग्दी, कास्की, स्याङ्जा बागलुङका ५८ जनामा कोरोना भाइरस पोजिटिभ देखिएको गण्डकी प्रदेश कोरोना नियन्त्रण तथा रोकथाम कार्यक्रमले जनाएको छ ।

तनहुँमा २५, नवलपुरमा १६, गोरखामा ५, म्याग्दीमा १, कास्कीमा २, स्याङ्जामा १ र बागलुङका ८ जनामा कोरोना संक्रमित थपिएका हुन् । योसँगै गण्डकी प्रदेशमा कोरोना संक्रमितको संख्या ४३८ पुगेको छ।

डा. विनोद विन्दु शर्माका अनुसार, उनीहरु सबै भारतबाट आएर सम्बन्धित पालिकाको क्वारेन्टाइनमा बसिरहेका छन् ।