नेपालगञ्ज । बाँकेको कोहलपुर स्थित बन कार्यालय अगाडीको प्रतिक्षलयमा शनिबार बिहान एक पुरुष मृत अवस्थामा फेला परेका छन् ।
कोहलपुर(११ को न्युरोड चोक नजिक रहेको कोहलपुर सव(डिभिजन वन कार्यालयको अगाडिको प्रतिक्षालयमा एक पुरुष मृत अवस्थामा भेटिएको इलाका प्रहरी कार्यालय कोहलपुरले जनाएको छ । स्थानीयबासीले खबर गरेपछि प्रहरीले फेला परेको शवका बिषयमा अनुसन्धान सुरु गरेको ईलाका प्रहरी कार्यालय कोहलपुरका प्रमुख प्रहरी नायब उपरीक्षक कुलदीप चन्दले जानकारी दिए ।
पहिचान नखुलेका अन्दाजी ४४र४५ बर्षका देखिने ती व्यक्तिको आफन्तको खोजी गरिरहेको उनले जानकारी दिए । प्रहरीले मृतकको शवलाई आवश्यक प्रक्रिया पुर्याएर पोस्टमार्टमका लागि अस्पताल पठाउने तयारी गरेको छ ।
स्थानीयका अनुसार उनी केही समयदेखि सोही क्षेत्रमा नै मागेर हिड्ने गरेका थिए ।
प्रतिक्रिया