गुल्मीको छत्रकोटका एक पुरुषको कोरोना संक्रमणबाट मृत्यु

काठमाडौं । कोरोना भाइरसबाट थप एक जनाको मृत्यु भएको छ ।

गुल्मीको छत्रकोट गाउँपालिका मैनडाँडाका ६९ वर्षीय पुरुषको कोरोना भाइरसको संक्रमणबाट निधन भएको स्वास्थ्य तथा जनसंख्या मन्त्रालयले जनाएको छ ।

प्यारालाइसिसको उपचारका लागि लकडाउनकै समयमा भारत गएर फर्किएका ती पुरुषको असार ५ गते घरमै मृत्यु भएको थियो ।

मृत्युपश्चात स्वाब लिएर परीक्षणका लागि भैरहवास्थित प्रादेशिक जनस्वास्थ्य प्रयोगशालामा पठाइएकोमा उनको कोरोना संक्रमण पुष्टि भएको हो ।

उनको शवलाई नेपाली सेनाले असार ६ गते नै व्यवस्थापन गरिसकेको स्वास्थ्य मन्त्रालयले जनाएको छ ।

यससँगै नेपालमा कोरोना भाइरसको संक्रमणबाट मृत्यु हुनेको संख्या २३ पुगेको छ ।