विश्वभर कोरोना भाइरसका संक्रमितको संख्या ९० लाख नाघेको छ ।
कोरोना भाइरसबारे आधिकारिक तथ्यांक राख्ने अमेरिकाकाको जोन हप्किन्स विश्वविद्यालयको तथ्यांक अनुसार विश्वभर संक्रमितको संख्या ९० लाख ३ हजार माथि पुगेको हो ।
अहिलेसम्म कोरोना महामारीबाट चार लाख ६९ हजार मानिसको ज्यान गैसकेको छ ।
अमेरिका कोरोनाबाट सबैभन्दा धेरै प्रभावित देश बनेको छ । अमेरिकामा २२ लाख ९१ हजार मानिस कोरोना संक्रमित छन् भने संक्रमणबाट एक लाख बढी मानिसको मृत्यु भएको छ ।
अमेरिका पछि अर्को दक्षिण अमेरिकी मुलुक ब्राजिल धेरै संक्रमित हुने देश बनेको छ । ब्राजिलमा कोरोनाका १० लाख ८३ हजार संक्रमित रहेका छन् । त्यहाँ ५० हजार भन्दा बढीको ज्यान गैसकेको छ ।
यसैगरी लामो समयसम्म कोरोना संक्रमणबाट जोगिएको रुस तेस्रो धेरै संक्रमित हुने देश बनेको छ । रुसमा ५ लाख ९१ हजार बढी संक्रमित हु्ँदा आठ हजार बढीको मृत्यु भएको छ ।
यसैगरी चौंथो स्थानमा छिमेकी भारत रहेको छ । भारतमा चार लाख २५ हजार बढी मानिस कोरोना संक्रमित छन् भने १३ हजार ६ सय बढीको मृत्यु भएको छ ।
बेलायतमा तीन लाख ६ हजार मानिस संक्रमित भएका छन् । मृत्यु हुनेको संख्या ४२ हजार सातसय बढी रहेको छ ।
प्रतिक्रिया