काठमाडौं । उपत्यकाबाहिरबाट काठमाडौं आउनेहरुलाई अनिवार्य होम क्वारेन्टाइनमा राख्न गृहमन्त्रालयले जिल्ला प्रशासन कार्यालयहरुलाई निर्देशन जारी गरेको छ ।
गृहमन्त्रालयले मंगलबार उपत्यकाभित्रका तीन जिल्ला प्रशासनलाई परिपत्र जारी गर्दै बाहिरबाट आउनेहरुलाई अनिवार्य होम क्वारेन्टिनमा राख्ने परिपत्र जारी गरेको हो ।
बाहिरबाट आउनेह्ररुलाई घरधनीले पीसीआर रिपोर्ट माग्ने गरेको भन्दै गृहले अनावश्यक पीसीआर जाँचको दबाब नदिने वातवारण बनाउन स्वास्थ्य मन्त्रालयको आग्रह अनुसार कारवाही गर्न निर्देशित गरेको छ ।
स्वास्थ्य तथा जनसंख्या मन्त्रालयले उपत्यका बाहिरबाट आउनेहरुलाई १४ दिनसम्म होम क्वारेन्टिनमा बस्ने र लक्षण देखिएमा मात्र अस्पताल आउने व्यवस्था गर्न गृहलाई पत्र पठाएको थियो ।
परिपत्रमा डेरावालहरुले घरधनीको दबाबकै कारण पीसीआर विधिबााट जाँच गर्न भन्दै शुक्रराज ट्रपिकल तथा सरुवा रोग अस्पतालमा दैनिक हजार बढी जाने गरेकोे भन्दै गृहमन्त्रालयले काठमाडौं, भक्तपुर र ललितपुरका प्रमुख जिल्ला अधिकारीहरुलाई स्वास्थ्य मन्त्रालयको पत्रअनुसार कारबाही गर्न निर्देशन दिएको छ ।
प्रतिक्रिया