बुधबार थपिए ६२९ नयाँ संक्रमित, हालसम्म संक्रमितको संख्या १०,७२८ पुग्यो

काठमाडौं । पछिल्लो २४ घण्टामा ६२९ जना नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले आयोजना गरेको नियमित पत्रकार सम्मेलनमा ११० महिला र ५१९ पुरुष थपिएको जानकारी दिइएको हो ।

क्वारेन्टिनमा आजसम्म ७८ हजार ६३९ जना रहेका छन् । आइसोलेसनमा रहेका व्यक्तिहरुको संख्या ८ हजार ३६६ रहेको छ ।

हालसम्म २ हजार २३८ जना निको भएर डिस्चार्ज भएका छन् । जसमध्ये १९७ जना महिला र २ हजार १४१ जना रहेका छन् । बुधबार ८ महिलासहित १०६ जना निको भएका छन् ।