बुटवल । नेपालमा यसवर्ष सलह प्रवेश गर्दैन भन्ने कृषि तथा पशुपक्षी विकास मन्त्रालयको निश्कर्ष गलत सावित भएको छ ।
भारतमा किसानहरुको प्रमुख सत्रुको रुपमा रहेको सलह किरा शनिबार नेपाल देखिए संगै मन्त्रालयको निश्कर्ष गलत सावित भएको हो । नेपालको प्रदेश २ का बारा र पर्सा जिल्लामा देखीएको सलह किरा प्रदेश ५ को रुपन्देहीमा पनि देखिएको छ ।
भारतीय सीमा क्षेत्रमा देखिदै आएका सलह रूपन्देही पसेका हुन् । शनिबार दिउँसो रूपन्देहीको बुटवल क्षेत्रमा सलह देखिएको हो ।
बुटवल आसपासमा देखिएको किरा सलह किरा नै रहेको प्रदेश ५ को कृषि विकास निर्देशनालय प्रमुख यामनारायण देवकोटाले पुष्टी गर्नुभयो ।
खबरकुरासंग कुरा गर्दै उहाले कति संख्यामा आएको छ भन्ने एकिन भइनसकेको बताउदै सलह किरा नियन्त्रणका लागि पहिले देखि नै मन्त्रालय र निर्देशनालयले पूर्व तयारी गरेको हुदा यसको बिरुद्ध रणनितिक कार्यक्रमहरु तयार गरेको उहाले जानकारी दिनुभयो ।
दिउसो करिब एक बजे बुटवलको गोलपार्क, लक्ष्मीनगर, सुख्खानगर, रामनगर, कालिकानगर देवदहको चरङ्गे लगायतका क्षेत्रमा सलह किरा देखिएको भन्दै स्थानीयले प्रदेश सरकारका पदाधिकारी तथा विज्ञहरुलाई खबर गरेका थिए ।
फोटो फिचर
तस्वीर : दिनेश कुमार श्रेष्ठ
प्रतिक्रिया