सर्लाही। सर्लाहीको धनकौल गाउँपालिकामा नेकपा र कांग्रेस कार्यकर्ताबीच झडप भएको छ । झडपमा १२ जना घाइते भएका छन् ।
उनीहरु बन्दुकको छर्रा लागेर घाइते भएका सबैको अवस्था सामान्य रहेको प्रहरीले जनाएको छ । सबै घाइतेको स्थानीय अस्पतालमा उपचार भैरहेको छ ।
बाटो प्रयोगको सामान्य विषयमा झडप सुरु भएको थियो । नेकपा कार्यकर्ताको ट्याक्टरले कांग्रेस कार्यकर्ताको मोटरसाइकललाई बाटो नछाडेर निहुँमा सुरु भएको विवादमा दुवै तर्फका झण्डै एक एक सय मानिस भेला भएपछि झडप भएको थियो । झडपका क्रममा गोली समेत चलेको थियो ।
गोली चलेको बन्दुक कसको हो भन्ने खुलिसकेको छैन । यद्यपि, प्रहरीले स्थानीय मुकेश शाहलाई गोली चलाएको आशंकामा पक्राउ गरेको छ ।
आइतबार राति साढे ८ बजे भएको घटना उग्र बनेपछि सशस्त्र र नेपाल प्रहरीको टोली घटनास्थलमा पुगेको थियो ।
प्रतिक्रिया