नेपालगन्ज । नेपालगन्जका दुर्गा मूर्ति विसर्जनको क्रममा दुई समुहबीच झडप भएको छ । नेपालगन्जको पिप्रहवा र फुल्टेक्रा खण्डमा दुई समुहबीच झडप भएको हो ।
झडपमा तीनजना प्रहरीसहित १५-२० जना घाइते भएको बाँके प्रहरी प्रमुख प्रहरी उपरीक्षक अंगुर जिसीले बताए । सबै घाइतेको अवस्था सामान्य रहेको उनले बताए । झडप पूर्णरुपमा नियन्त्रणमा आइसकेको उनले जानकारी दिए ।
उनले केही सामाजिक सञ्जालमा झडपमा ज्यान नै गएको भन्ने हल्ला फिजाइएको भन्दै झडपमा कसैको पनि ज्यान नगएको स्पष्ट पारे । ज्यान गएको भन्ने गलत हल्ला मात्र भएको उल्लेख गर्दै उनले हल्लाको बिश्वास नगर्न नगरबासीमा आग्रह गरे ।
मुख्य झडप भएका तीन स्थानलाई प्रहरीले नियन्त्रणमा लिएर निगरानी बढाएको छ । सो स्थानहरुमा प्रहरीले आवतजावतमा कडाई गरेको छ । स्थितीलाई नियन्त्रणमा लिन झडप भएको स्थानमा नेपाली सेनाले गस्ती गरेको छ । शान्ति कायम राख्दै संयमित रहन जिल्लाबासीमा प्रहरीले अनुरोध गरेको छ ।
प्रतिक्रिया