१५ मंसिर २०७९, बिहिबार | December 1, 2022

एमसीसी सम्झौता कार्यान्वयन सुरु हुने समय थप हुँदै



काठमाडौं । अमेरिकी सहयोग मिलेनियम च्यालेन्ज एकाउन्टको कार्यान्वयन सुरु हुने समय थप हुने भएको छ ।

मिलेनियम च्यालेञ्ज एकाउण्ट नेपाल (एमसीए–नेपाल)ले सोमबार विज्ञप्ति प्रकाशित गरी समय थप हुने प्रष्ट संकेत गरेको हो ।

मिलेनियम च्यालेञ्ज कर्पाेरेशन (एमसीसी) नेपाल कम्प्याक्ट कार्यान्वयनको तयारी चरणमा उल्लेख्य प्रगति हासिल गरिसकेको उल्लेख गर्दै एमसीएले जारी गरेको विज्ञप्तिमा भनिएको छ, ‘हालैका दिनमा भने विश्वव्यापी कोभिड–१९ महामारी तथा संसदीय अनुमोदन प्रक्रियामा भएको ढिलाइका कारण कार्य प्रगतिमा अवरोध सिर्जना भएको हुँदा नेपाल कम्प्याक्ट कार्यान्वयन थालनी मिति ९म्बतभ या भ्लतचथ ष्लतय ँयचअभ० मा पुनर्विचार आवश्यक देखिएको छ ।’

असार १६ गतेसम्म एमसीसी सम्झौतालाई नेपालको संसदले अनुमोदन गरेर कार्यान्वयनको सुरुवात गर्नुपर्ने पूर्वशर्त रहेको थियो ।

तर, सत्तारुढ नेपाल कम्युनिष्ट पार्टीभित्र एमसीसीबारे तिब्र विरोध भएपछि संसदबाट पारित हुने प्रक्रिया अघि बढ्न सकेको छैन । नेकपाको स्थायी कमिटी बैठकबाट एमसीसीबारे के गर्ने भन्नेबारेमा निर्णय हुन बाँकी छ ।

जारी स्थायी कमिटी बैठक भोलि अर्थात असार १६ गते पुनः बस्दैछ । सम्भवतः भोलिको छलफलको एजेण्डामा एमसीले प्रवेश पाउनेछ । उता, एमसीसी पास गर्नुपर्ने प्रतिनिधिसभा भने यसअघि नै असार १७ गतेसम्म स्थगित भैसकेको छ ।

एमसीसी अनुमोदनको म्याद भोलिसम्म थप नगरिए स्वतः नेपालबाट खारेज हुनेअवस्था थियो । तर, एमसीएले पूर्वनिर्धारित कार्यातालिका परिवर्तनको संकेत दिएर कार्यान्वयनका लागि अझै कुर्ने जनाएको छ ।

एमसीएले भनेको छ, ‘एमसीए–नेपाल कम्प्याक्टको कार्यान्वयन थालनी मितिमा प्रवेश गर्न र यस कार्यक्रमलाई अगाडि बढाउनका लागि छिटोभन्दा छिटो संसदीय अनुमोदनसहितका बाँकी सबै पूर्वशर्त पूरा गर्नका लागि सम्बन्धित सबै पक्षसँग क्रियाशील रहेको छ ।’

निर्धारित समयमा एमसीसी अनुमोदन नहुने देखिएपछि परराष्ट्रमन्त्री प्रदीप ज्ञवालीले अमेरिकी विदेशमन्त्री माइक पोम्पियोसँग गतहप्ता टेलिफोनमा कुराकानी गरेका थिए । यसैगरी अर्थमन्त्री डा. युवराज खतिवडाले एमसीसीका नेपालस्थित अधिकारीहरुसँग छलफल गरेका थिए ।

प्रकाशित मिति : १५ असार २०७७, सोमबार  ६ : ०० बजे

पठन संस्कृतिको विकासका लागि प्रज्ञा प्रतिष्ठानको पुस्तक प्रदर्शनी

काठमाडौं । पठन संस्कृतिको विकासका लागि नेपाल प्रज्ञा प्रतिष्ठानले आजदेखि

दोलखाका १० वटा मतदान केन्द्रमा मतदान जारी

काठमाडौं । दोलखाका १० वटा मतदान केन्द्रमा आज पुनः मतदान

स्याङ्जामा पद्माको शुरुवाती अग्रता

स्याङ्जा । बुधबार राती १० बजेबाट शुरु भएको मतगणनामा स्याङ्जा

यस्तो छ आजको मौसम

काठमाडौं । हाल देशमा उल्लेखनीय मौसमी प्रणाली छैन । हाल

उद्योग संघको स्थापना दिवसको पूर्व सन्ध्यामा दिप प्रज्वलन

बुटवल । रुपन्देही उद्योग संघले आफ्नो ४५ औं स्थापना दिवसको