काठमाडौं । कोरोना भाइरस नियन्त्रणमा सरकारले चालेको कदम प्रभावकारी नभएको भन्दै सत्याग्रहमा बसेका अभियन्ताहरुलाई भेट्न प्रधानमन्त्री केपी शर्मा ओली ह्याम्स अस्पताल पुगेका छन्।
गत शुक्रवारदेखि पाटनको कृष्ण मन्दिर अगाडि रहेको मणि मण्डपमा सत्याग्रहमा बसेका ईसान अधिकारी र पुकार बमलाई स्वास्थ्य समस्या देखिएपछि ह्याम्स हस्पिटल लगिएको थियो।
अभियन्ताहरुलाई हस्पिटल लगिएको केहि बेरमा नै प्रधानमन्त्री ओली उनीहरुलाई भेट्न अस्पताल पुगेका हुन्। हाल एमर्जेन्सीमा रहेका पुकार र ईसानसँग प्रधानमन्त्रीले सबैमाग पुरा हुने आश्वासन दिंदै अनसन टोड्न आग्रह गरेका थिए । बम र अधिकारीले आफ्नो मागहरु राख्न वार्ताको वाताबरण बनाईदिन प्रधानमन्त्रीलाई आग्रह गरेका थिए ।
सरकारले कोभिड १९ विरुद्धको प्रतिकार्य प्रभावकारी ढंगले चलाउन नसकेको, पीसीआर परीक्षण बढाउनु पर्ने लगायत माग राखी अधिकारी, बम लगायत ललितपुरको पाटन दरबार स्क्वायरमा एक सातादेखि अनशनमा बसेका थिए ।
उनीहरुले कोरोना परीक्षणमा पीसीआर लागू गर्न, आरडीटी बन्द गर्न र क्वारेन्टाइनको व्यवस्थापन गर्न सरकार समक्ष माग गरेका छन्।
प्रतिक्रिया