१८ माघ २०७९, बुधबार | February 1, 2023

नेकपा बांके कुनै गुटमा नलाग्ने, कार्यकर्तालाई कुनैपनि गुटमा नलाग्न निर्देशन



नेपालगन्ज । नेपाल कम्युनिष्ट पार्टी (नेकपा)को विवादले फार्टी बिभाजनकै स्वरुप ग्रहण गर्न थालेपछि जिल्ला जिल्लाबाट नेताहरुलाई पार्टी बिभाजनबाट जोगिन अपिल गर्ने क्रम सुरु भएको छ ।

नेपाल कम्युनिष्ट पार्टी (नेकपा)का केन्द्रिय नेताहरु विवाद छताछुल्ल हुने गरि बिभाजित भईरहंदा नेकपा बाँकेले भने जिल्ला स्थित कार्यकर्ताहरुलाई कुनै पनि गुटमा नलाग्न निर्देशन दिएको छ । पार्टी अध्यक्ष एवं प्रधानमन्त्री केपी ओली समर्थकहरुले देशब्यापी प्रदर्शन गरेकै दिन जिल्ला पार्टीले जिल्लाका कार्यकर्ताहरुलाई कुनै गुटमा नलाग्न निर्देशन दिएको हो ।

जिल्ल कमिटीको तर्फबाट अपिल प्रकाशित गर्दै नेकपा बांकेले पार्टी हित विपरित गतिविधि नगर्न नेता कार्यकर्तालाई अपील गरेको छ । नेपाली जनताले चहाएको शान्ति, समृद्धि र एकता तर्फ देश अगाडी बढी रहेको समयमा पार्टीको निर्णय विपरित कुनै कार्य कसैले नगर्न नेता कार्यकर्तालाई आग्रह गरिएको छ ।

अपिलमा विदेशी शक्ति र देशभित्रका प्रतिक्रियाबादीहरुले चाहेको फुटका पक्षमा कुनै पनि नेता नलाग्न अनुरोध गर्दै नेपाली राष्ट्रियताका पक्षमा जनता एकमत भएको अवस्थामा पार्टी भित्र गुटफुटका संकेत हुन नहुने उल्लेख गरिएको छ । नेकपाको सचिवालयमा नेताहरुबीच आरोप प्रत्यारोप लागिरहेका बेला बाँके जिल्लाका नेकपा नेतृत्वले अग्रज नेतालाई पार्टी एकताका भावना र आवश्यकता पुरा गर्न आग्रह समेत गरेका छन् ।

उनीहरुले अपिलमा कसैले पनि आमसंचारका माध्यम र सामाजिक सञ्जालमा पार्टी नीति विपरित कार्य नगर्न अनुरोध गर्दै पार्टी हित विपरित हुने कार्य नगर्न तथा पार्टीको नीति, विधान र निर्देशन अनुसार चल्न सबैलाई आग्रह गरेका छन् ।

नेकपा केन्द्रीय सदस्य बाँके सह इन्चार्ज मोहमद हारुन हलुवाई, बाँकेका अध्यक्ष आई.पी. खरेल र सचिव अशोक कोईराला संयुक्त रुपमा हस्ताक्षर गरी जारी गरिएको अपीलमा सुदृढ पार्टी एकता अहिलेको आवश्यकता भएकाले यसबाट दायाँबायाँ नहुन पार्टी नेतृत्वलाई अपील गरिएको छ । पार्टीको निर्णय नै अन्तिम भएकाले यसमा प्रतिवद्ध हुन समेत सबैलाई अपिल मार्फत आग्रह गरिएको छ ।

विवाद बढेसंगै जिल्लाहरुमै पहिलो पटक रुपन्देही जिल्ला कमिटी र उहां स्थित केन्द्रिय सदस्यहरुले पार्टी फुटबाट जोगाउन नेताहरुलाई अपिल गरिएको थियो ।

प्रकाशित मिति : १९ असार २०७७, शुक्रबार  ८ : ०२ बजे

यस्ता छन् क्रिकेट सङ्घका निर्णय

पोखरा । नेपाल क्रिकेट सङ्घ (क्यान)को पोखरामा बसेको बोर्ड बैठकले

प्रधानमन्त्रीद्वारा अतिविशिष्ट व्यक्ति सुरक्षा प्रदर्शनीको अवलोकन

काठमाडौं । प्रधानमन्त्री पुष्पकमल दाहाल ‘प्रचण्ड’ ले अतिविशिष्ट व्यक्ति सुरक्षा

‘एन आई सी एशिया मर्चेन्ट मिट २०२३’ सम्पन्न, मर्चेन्टहरुको उल्लेख्य सहभागिता

काठमाडौ । एन आई सी एशिया बैंक लिमिटेडले ‘सेलेब्रेटिङ डिजिटल

कांग्रेसले बोलायो संसदीय दलको बैठक

काठमाडौं । नेपाली कांग्रेसले संसदीय दल कार्यसमितिको बैठक बोलाएको छ

बागमती प्रदेशसभाको बैठक माघ २२ गते अपराह्न बस्ने

हेटौंडा । बागमती प्रदेशसभाको दोस्रो कार्यकालको तेस्रो बैठक यही माघ