काठमाडौं । नेपाल कम्युनिस्ट पार्टी (नेकपा) का दुई अध्यक्षका बिच सहमति जुट्न नसकेपछि २२ गते सम्मकम लागि स्थायी कमिटी बैठक स्थगित भएको छ ।
दुई अध्यक्षले सहमति गरेर आज बैठक बस्ने भनिएपनि अध्यक्ष द्वयको दुई दिनको छलफलले निकास दिन नसकेपछि बैठक स्थगित भएको बताईएको छ ।
नेकपाभित्र सहमति जुट्न नसकेको नेताहरुले बताइरहेको बेला शनिबारका लागि तय भएको बैठक सोमबारसम्मका लागि स्थगित भएको हो ।
यस अघिको बैठकमा प्रधानमन्त्री एवं अध्यक्ष केपी ओलीले सरकार ढाल्न भारतले भुमिका खेलेको सार्वजानिक कार्यक्रममा बेलेपछि त्यसको आधार प्रमाण खोज्दै बैठकमा नयां एजेण्डा थपिएको थियो । स्थायी समितिका अधिकांस सदस्यहरुले प्रधानमन्त्रीको राजिनामा र अध्यक्षबाट समेत हट्नु पर्ने माग गरेपछि पार्टीमा विवाद चरम उत्सर्गमा पुगेको थियो । प्रधानमन्त्रीले दुबै पद नछाड्ने अडान लिंदै स्थायी समितिलाई नै चुनौती दिने गरि संसद बैठक अन्त्यको बाटो अंगालेपछि विवाद अझै बढेको थियो ।
पार्टी एकतालाई बचाउन ओली निकट र पार्टीका युवा नेताहरुका बिच पटक पटक छलफल भएपनि पार्टीमा सहमतिको बिन्दु नभेटिएपछि पार्टी एकता नै संकटमा पर्ने अवस्था सिर्जना भएको आंकलन गरिएको छ ।
नेकपामा प्रधानमन्त्रीले पार्टीले सरकारलाई सहयोग नगरेको आरोप लगाउंदै आएका छन् भने माधव नेपाल र प्रचण्ड सहितका नेताहरुले पार्टी र संगठनलाई प्रधानमन्त्रीले बेवास्ता गरेको, एकल निर्णयमा चल्न खोजेको आरोप लगाउंदै आएका छन् ।
प्रधानमन्त्री तथा पार्टी अध्यक्ष केपी शर्मा ओलीले गम्भीर छलफल गर्नुपर्ने भन्दै थप समय मागेपछि नेताहरु बैठक स्थगित गर्न राजी भएका हुन् ।
प्रतिक्रिया