बझाङ । बझाङको केदारस्युँ गाउँपालिका वडा नम्बर ८ मल्लेस गाउँमा पहिरो जाँदा ३ जनाको मृत्यु भएको छ भने ४ जना अझै बेपत्ता छन् ।
शुक्रबार अविरल वर्षासँगै आएको पहिरोले च्यापिएर ३ जनाको मृत्यु र ४ जना बेपत्ता भएको स्थानीय कलश बोहराले जानकारी दिनुभयो ।
पहिरोले पुरिएर केदारस्युँ गाउँपालिका ८ का ४२ वर्षीय राममती देवी जेठारा, उनका ११ वर्षीय छोरा प्रयाग जेठारा र ७ वर्षीय छोरी अस्मीता जेठाराको शव फेला परेको उहाको भनाइ छ ।
अविरल वर्षासँगै गाउँ माथिबाट आएको पहिरोले १७ घर पुरेको छ । घरहरु पुरिएपछि गाउँमा बसोबास गर्ने मानिसको बिचल्ली भएको छ । खोला किनारमा रहेको बाटोमा बाढी आएका कारण घटनास्थलमा प्रहरी पुग्न नसकेको डिएसपी गणेश बमले जानकारी दिनुभयो । स्थानीयहरुले बेपत्ताहरुको खोजिकार्य गरीरहेका छन ।
प्रतिक्रिया