बुटवल । प्रदेश ५ सरकारले नेपाल रेडक्रस सोसाइटी, रक्तसंचार केन्द्र बुटवललाई रगत सेपेरेसन, एजिटेटर, रेफ्रिजेरेटर, सिल्लार मेशिन र मोनिटर लगायत उपकरणहरु सहयोग गरेको छ ।
शनिबार एक कार्यक्रमका बिच बुटवल उपमहानगरपालिका वडा नं ६ का वडाअध्यक्ष जगदिशचन्द्र आचार्य, केन्द्रीय सदस्य सुदर्शन नेपाल, सल्लाहकार चित्रमान गौचन, प्रदेश ५ का सचिव कृष्ण पंगेनी, केन्द्रका जिल्ला सभापति प्रेमलाल उदासले उपकरणहरु सार्वजनिक गरेका छन ।
ब्लड बैक सुदृढीकरण अन्तरगत नेपाल सरकार पाच नम्बर प्रदेश सरकार, सामाजिक विकास मन्त्रालय अन्तरगतको स्वस्थ्य निर्देशनालयको सहयोगमा मेशिन उपलब्ध भएको केन्द्रका जिल्ला सभापति प्रेमलाल उदासले बताए ।
उपकरणहरु मूल्य २९ लाख ७७ हजार ५ सय ५० रुपैया रहेको उनले बताए । यसमध्ये २० प्रतिशत रकम ब्लड बैकले ब्यहोर्ने उनले बताए । नया उपकरणहरुले डेगु, मलेरिया, क्यान्सर लगायतका बिरामिलाई आवश्यक पर्ने पिआरपि, एफएफपि रगत बनाउन सहज हुने उनले बताए ।
केन्द्रका ल्याब सदस्य सचिव जोग बहादुर गुरुङले नया उपकरण पहिलेको भन्दा दोब्बर क्षमताको भएको उनले बताए । कार्यक्रममा वडा नं ६ का वडाअध्यक्ष जगदिशचन्द्र आचार्यले विरामीहरुको रगत उपलब्ध गर्नमा केन्द्रको योगदान महत्वपुर्ण भएको भन्दै अहिले जग्गाको समस्या सबै मिलेर हल गर्नुपर्ने सुझाव दिए ।
कार्यक्रममा केन्द्रीय सदस्य सुदर्शन नेपाल, सल्लाहकार चित्रमान गौचन, प्रदेश ५ का सचिव कृष्ण पंगेनी, स्वस्थ्य निर्देशनालयका रामप्रसाद भट्टराईले सामाजिक हितमा संस्थाबाट योगदान भएको बताए ।
बुटवल केन्द्र संचालनमा रहेको उपकरण भैरहवा शाखालाई हस्तान्तरण गरिने उनले बताए । केन्द्रमा प्राविधिक र कर्मचारी गरि १४ जनाले सेवा दिदै आएका छन ।
प्रतिक्रिया