सिँचाइ डिभिजन कार्यालय खोटाङका प्रमुख घुससहित पक्राउ

खोटाङ। अख्तियार दुरुपयोग अनुसन्धानले जलस्रोत तथा सिँचाइ डिभिजन कार्यालय खोटाङका प्रमुख नारायणकाजी श्रेष्ठलाई घुससहित पक्राउ गरेको छ ।

सेवाग्राहीबाट नौ लाख ३४ हजार घुस लिँदै गर्दा अख्तियारको टोलीले प्रमुख श्रेष्ठलाई रङ्गेहात पक्राउ गरेको आयोगका प्रवक्ता प्रदीपकुमार कोइरालाले जानकारी दिए। श्रेष्ठको साथबाट श्रोत नखुलेको रु ९९ हजार ५०० रकम पनि जफत गरिएको छ ।

प्रमुख श्रेष्ठ पक्राउ परेपछि कार्यालय सिल गरिएको छ । । श्रेष्ठले सिँचाइ योजनाको रकम प्रदेशबाट निकासा हुन ढिलाइ भइरहेको अवस्थामा अधिकांश ठेकेदार तथा उपभोक्ता समितिसँग ‘छिटो निकासाका लागि माथि रकम दिनुपर्ने’ भन्दै पटक–पटक बार्गेनिङ गर्दै आएको सेवाग्राहीले गर्दै आएका थिए ।