काठमाडौं । अहिले बिहान ११ बजे बस्ने भनिएको सत्तारुढ दल नेपाल कम्युनिस्ट पार्टी (नेकपा) स्थायी समिति बैठक स्थगित भएको छ।
पटक पटक स्थगित हुँदै आएको बैठक एकसाता पछि आजका लागि तय भएको थियो ।
हिजो पार्टीका अध्यक्षद्वय केपी शर्मा ओली, पुष्पकमल दाहाल प्रचण्डबीच भएको छलफलपछि बैठक आजैका लागि केही घण्टा स्थगित गरिएको प्रधानमन्त्रीका प्रेस सल्लाहकार सूर्य थापाले बताए ।
हिजो अध्यक्षद्वय ओली र प्रचण्ड एवं नेता माधवकुमार नेपालबीच भएको छलफलमा पार्टीभित्रको विवादमा कुनै सहमति नभएपनि स्थायी कमिटी बैठक सुचारु गर्ने सहमति भएको थियो ।
गत असार १० गतेबाट सुरु भएको बैठक असार १६ गतेबाट तिक्ततापूर्णब बनेपछि असार १८ गतेदेखि पटकपटक स्थगित हुँदै आएको छ ।
प्रतिक्रिया