नेपालगञ्ज । कोरोना संक्रमण बिदेशबाट आउने नेपाली, उनीहरुको सम्पर्कका आएका स्थानीय, उपचारमा संग्लग्न स्वास्थ्यकर्मी, सुरक्षाकर्मी हुँदै कारगारमा रहेका कैदीबन्दीसम्म पुगेको छ ।
नेपालगञ्जस्थित कारागारका रहेका कैदीबन्दी र एक जना प्रहरीमा कोरोना संक्रमण पुष्टि भएको छ ।
चोरी मुद्दामा धरौटी बुझाउन नसकेपछि बन्दी जीवन विताइ रहेका नेपालगञ्ज ६ का २८ वर्षीय युवा र कारागार सुरक्षामा रहेका एक प्रहरीमा संक्रमण पुष्टि भएको हो ।
कारागारमा विरामी परेपछि थुनुवालाई भेरी अस्पताल लगिएको थियो । उनीमा कारोनाको लक्षण देखिएपछि अस्पतालको आईशोलसनमा राखेर उपचार गरिएको थियो ।
अस्पतालमा उपचारकै क्रममा स्वाव लिएर परीक्षण गर्दा बिरामी परेका उनी र उनको सुरक्षामा सँगै अस्पताल गएका प्रहरीमा कोरोना पुष्टि भएको हो । थुनुवाको शरीरमा रगतको कमी भएपछि अस्पताल लगिएको जेलर देवेन्द्र श्रेष्ठले जानकारी दिए ।
उनीहरु दुबै जनालाई आइसोलेशन सेन्टरमा थप उपचारका लागि पठाईएको कारागार प्रशासनले जनाएको छ ।
७ सय ७७ जना थुनुवा रहेको नेपालगञ्ज कारागारमा प्रशासनले लकडाउन अघिनै भेटघाटमा रोक लगाएको थियो । उनको सम्पर्कमा आएकाहरुको स्वाब लिने तयारी भएको बाँकेका कोरोना फोकल पर्सन नरेश श्रेष्ठले जानकारी दिए ।
प्रतिक्रिया