काठमाडौं । पूर्वमन्त्री जीवनबहादुर शाहीलाई कोरोना संक्रमण भएको छ । केही दिन अघि एक प्रदेशसभा सांसदलाई कोरोना संक्रमण भएको खबर प्रकाशित भएको थियो ।
नेपाल काँग्रेसको तर्फबाट कर्णाली प्रदेशमा विपक्षी दलका नेता शाही यतिबेला होम आइसोलेसनमा उपचार गराइरहेका छन् ।
नेपाली काँग्रेसले पार्टीका केन्द्रीय सदस्य तथा नेता जीवनबहादुर शाहीको शीघ्र स्वास्थ्यलाभको कामना गरेको छ ।
कोभिड–१९ सङ्क्रमणका कारण शाहीको होम आइसोलेसनमा उपचार भइरहेको काँग्रेस केन्द्रीय कार्यालयका मुख्यसचिव कृष्णप्रसाद पौडेलले विज्ञप्तिमार्फत जनाएका छन् ।
यसैगरी काँग्रेसले मोरङको केराबारी गाउँपालिकामा पार्टीको तर्फबाट निर्वाचित अध्यक्ष रोहितबहादुर कार्कीलाई स्थानीय किशोरसिंह ठकुरीले खुकुरी प्रहार गरी गम्भीर घाइते बनाएको घटनाको भत्र्सना गर्दै खेद प्रकट गरेको छ ।
गम्भीररुपमा घाइते भएका कार्कीको गर्धन र हातमा चोट लागेको र हाल नोबेल अस्पताल विराटनगरमा उपचार भइरहेको काँग्रेसले जनाएको छ ।
काँग्रेसले एक विज्ञप्तिमार्फत खुकुरी प्रहार गर्ने ठकुरीलाई गिरफ्तार गरी कडा कानूनी कारवाही गर्न माग गर्दै घाइते भएका कार्कीको शीघ्र स्वास्थ्यलाभको कामना गरेको छ ।
प्रतिक्रिया