साउने संक्रान्तिको राँको फाल्ने विवादमा कुटपिटबाट घाईते सुर्यलालको मृत्यु

डोल्पा । डोल्पाको त्रिपुरासुन्दरी नगरपालिका-११ मा कुटपिटबाट घाईते भएका १ जनाको मृत्यु भएको छ ।

साउने संक्रान्तिका दिन राँको फाल्ने क्रममा बिबाद भई झगडा हुँदा स्थानीय छिमेकी रतना दसाबको कुटपिटबाट गम्भिर घाईते भएका सूर्यलाल दसाबको मृत्यु भएको छ ।

कुटपिटबाट पेटमा चोट लागेर गम्भीर घाइते भएका सूर्यलालको त्रिपुराकोट अस्पताल उपचार हुन नसकि थप उपचारको लागि जिल्ला अस्पताल डोल्पातर्फ लैजाने क्रममा बाटोमै मृत्यु भएको प्रहरीले जनाएको छ ।

उनीहरुको परिवारबीच साउने सक्रान्तीमा राँको फाल्ने बिषयमा बिहीबार झगडा भएको बताइएको छ ।
कुटपिट गर्ने रतना हाल फरार रहेकीले प्रहरीले खोजी जारी राख्नुका साथै थप अनुसन्धान गरिरहेको बताएको छ ।