३१ जेष्ठ २०८२, शनिबार | June 14, 2025

ठोरीस्थित सीता गुफा क्षेत्रको सीमा स्तम्भ भारतीयद्वारा उखेलियो



वीरगन्ज । भगवान रामको जन्मूमीका विषयमा प्रधानमन्त्री केपी ओलीको अभिव्यक्तिपछि एकाएक चर्चामा आएको ठोरीको सीता गुफा रहेको सुमेरु पहाडमा गाडिएको पिलर (सीमा स्तम्भ) उखेलेर फालिएको छ ।

पर्साको ठोरी गाउँपालिका–२ मा पर्ने सीता गुफा रहेको पहाडको शिरमा नेपाल र भारत सीमा छुट्याउन गाडिएको ४३६ नम्बरको पिलर, शनिवार उखेलेर त्यहाबाट भारत तर्फको भूभागमा फालिएको अवस्थामा भेटिएको हो ।

सीता गुफा रहेको पहाडको शिरमा रहेको ४३६ नम्बरको पिलर गाडिएको स्थान भन्दा ५ मिटर भारत तर्फको भूभागमा फालेको अवस्थामा भेटिएको सशस्त्र प्रहरी बोर्ड आउट पोष्ट ठोरीका सशस्त्र प्रहरी निरीक्षक दिपक दाहालले जानकारी दिए ।

पिलर उखेलेर फालिएको खबर पाएलगत्तै शनिबार साँझ त्यहा पुगेका सशस्त्र प्रहरी निरीक्षक दाहालले भने, ‘शनिवार दिउँसो साढे १२ बजे पुग्दा पिल्लर गाडिएकै ठाउँमा दुरुस्त थियो, तर अहिले आएर हेर्दा उखेलेर भारततर्फ फालिएको अवस्थामा भेटियो, यस विषयमा अनुसन्धान गरिरहेका छौँ ।’ दाहालका अनुसार पिलर उखेलेर फालिएको विषयमा प्रमुख जिल्ला अधिकारीलाई जानकारी गराइएको छ ।

ठोरीका स्थानीयले भने प्रधानमन्त्रीको अभिव्यक्तीपछि सीता गुफा एकाएक चर्चामा आएपछि भारतीय सुरक्षाकर्मीले उक्त स्थान आफनो भूमीमा पार्ने नियतले सीमाको पिलर उखेलेर फालेको हुन सक्ने बताएका छन् । प्रहरीले भने पिलर कसले फालेको हो भनेर पुष्टि गरिसकेको छैन ।

सीता गुफा रहेको सुमेरु पहाडमा शनिवार साँझ नेपाली सुरक्षाकर्मीसँगै पुगेका ठोरी ३ का वडा अध्यक्ष सूर्य लामाले भने, ‘पहाडको चट्टानमा गाडिएको पिल्लर आफै ढल्ने सम्भावना नै छैन, उखेलेर नै फालेको हो ।’

प्रधानमन्त्रीले राम जन्मभूमी ठोरीमै पर्ने अभिव्यक्ति दिएपछि ठोरीको सीता गुफा चर्चामा आएको भन्दै उनले नेपालको यो पवित्रस्थल भारतीय भूमीमा पार्ने नियत राखेर उखेलेर फालेको हुन सक्ने बताए ।

‘यदि भारतीय पक्षबाट यो काम भएको हो भने हामीलाई स्वीकार्य हुँदैन’, उनले भने, ‘हामी हाम्रो भूमीको रक्षाका लागि ज्यान दिन पनि तयार छौँ ।’ यो समाचार अन्नपूर्ण पोस्टबाट लिइएको हो ।

प्रकाशित मिति : ४ श्रावण २०७७, आइतबार  ७ : २६ बजे

उर्लाबारीमा ३७० जना विभिन्न पार्टी परित्याग गरी माओवादी केन्द्रमा प्रवेश, प्रचण्डले गरे स्वागत

मोरङ। मोरङमा विभिन्न राजनीतिक दलहरू परित्याग गरी सन्देश घिमिरे, सुवास

भोलि लुम्बिनी प्रदेशको बजेट प्रदेशसभामा प्रस्तुत हुँदै

दाङ । लुम्बिनी प्रदेश सरकारले आगामी आर्थिक वर्ष २०८२र०८३ का

वातावरण संरक्षण र प्रदूषण नियन्त्रणमा अर्थमन्त्रीको जोड

काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले वातावरण संरक्षण तथा

इञ्जिनियर दाङ आउन नमान्दा बिग्रिएको एक वर्ष बढी हुँदा पनि मर्मत भएन डायलासिस मेसिन

तुलसीपुर । दाङको तुलसीपुरस्थित राप्ती प्रादेशिक अस्पताल तुलसीपुरमा डायलासिस मेसिन

किसानद्वारा एक लाख २८ हजार केजी रैथाने बीउ उत्पादन

नेपालगन्ज । बाँकेका किसानले एक लाख २८ हजार बढी स्थानीय