पश्चिम चीनको सिनजियाङ प्रान्तमा कोरोना भाइरस फैलिएपछि उरूमची शहर युद्ध जस्तो अवस्थामा

देशभर कोरोना भाइरस नियन्त्रणमा सफलता प्राप्त गरेको चीनका लागि पश्चिमी प्रान्त शिनजियाङमा पछिल्ला दिनमा देखिएको भाइरस संक्रमणले फेरि तनाव थपेको छ ।

शिनजियाङ प्रान्तको राजधानी उरूमचीलाई चिनियाँ अधिकारीहरुले यतिबेला युद्धको अवस्थामा रहेको क्षेत्रको रुपमा घोषणा गरेका छन् ।

शनिबार कोरोना भाइरसका १७ जना नयाँ संक्रमित थपिए पछि चिनियाँ अधिकारीहरुले मानिसहरुको आवतजावतमा नियन्त्रण गरेका छन् । यद्यपी यो संख्या भने निकै कम हो ।

पत्रकार सम्मेलनमा अधिकारीले भने, पुरै शहर युद्धको स्थितिमा पुगेको छ । सबै प्रकारको सामुहिक गतिविधिमा रोक लगाइएको छ ।

आम मानिसलाई एक घरबाट अर्को घरमा जान पनि रोक लगाइएको छ । अत्यावश्यक कामबाहेक घरबाहिर ननिस्कन शहरका बासिन्दालाई आग्रह गरिएको छ ।

जुन क्षेत्रमा नयाँ संक्रमित देखिएको छ, त्यहाँका सबै बासिन्दाको स्वास्थ्य चेक जाँच गरिने भएको छ । यसपछि पुरै उरमकी शहरमा चेकजाँच गरिनेछ ।

गत वर्ष मध्य चीनको उहान शहरमा गत वर्षको डिसेम्बरमा कोरोना भाइरसको महामारी फैलिन सुरुभएपछि चीनले निकै छिटो नियन्त्रणमा सफलता प्राप्त गरेको थियो ।

चीन यस समय कोभिड १९ को संक्रमण या त्यसबाट हुने मृत्युको मामिलामा विश्वका २० देशको सूचिमा पनि सामेल छैन ।

जोन हप्किन्स विश्वविद्यालयका अनुसार चीनमा कोरोना भाइरसका ८५ हजार संक्रमण मामिला रेकर्ड रहेको छ । जहाँ ४ हजार ६ सय जनाको मृत्यु भएको छ ।