काठमाडौं । राजधानीको सीतापाइलामा एक युवतीमाथि बिहीबार एसिड प्रहार भएको छ ।
बिहीबार साँझ एसिड प्रहार भएकी युवतीको कीर्तिपुरस्थित कीर्तिपुर अस्पतालको बर्न सेन्टरमा उपचार भइरहेको छ ।
ती युवतीमाथि एसिड प्रहार गरेको आरोपमा दुई जनालाई प्रहरीले पक्राउ गरेको छ ।
रौतहट लक्ष्मीपुर घर भई हाल काठमाडौँको डल्लु बस्ने मोहम्मद आलम र भारतीय नागरिक मुन्ना महम्मदलाई प्रहरीले पक्राउ गरेको हो ।
राति ११ बजे उनीहरुलाई पक्राउ गरिएको प्रहरीले जनाएको छ ।
साँझको समयमा दही किन्न निस्किएकी ओखलढुंगाकी २२ वर्षीया पवित्रा कार्कीलाई एसिड प्रहार भएको हो । उनलाई अज्ञात व्यक्तिले एसिड प्रहार गरी फरार भएका थिए । उनी आफन्तसँग बस्दै आएकी थिइन् ।
पवित्रा राजधानीको हायात होटलमा अकाउन्ट सेक्सनमा काम गरिरहेको र लकडाउनपछि कोठामै बसिरहेको जनाइएको छ ।
एसिडले युवतीको अनुहार र हातमा जलन भएको छ । एसिड प्रहार गर्नेको पहिचान खुल्न सकेको छैन । खोजी भइरहेको प्रहरीले जनाएको छ ।
प्रतिक्रिया