काठमाडौ । पत्नी हत्या गर्ने पूर्व डीआईजीलाई जेलमुक्त गर्ने फैसलामा संलग्न प्रधानन्यायाधीस र न्यायाधीसलाई महाअभियोग लगाउन माग गर्दै काठमाडौंको माइतीघर मण्डलामा प्रर्दशन भएको छ ।
स्वतन्त्र राष्ट्रिय अभियानको नाममा शुक्रबार प्रदर्शन भएको हो । प्रदर्शनकारीले ‘भागवण्डाको गोटीले उन्मुक्ति पाए भेटीले’, ‘अदालतको चोला फेर्न चोलेन्द्रलाई महाअभियोग’, ‘अदालतभित्रको एनजीओ बन्द गर’जस्ता प्लेकार्ड बोलेका थिए ।
सर्वोच्च अदालतका प्रधानन्यायाधीस चोलेन्द्रशम्शेर जबरा र न्यायाधीस तेजबहादुर केसीको इजलासले २०६८ सालमा पत्नीको विभत्स हत्या गरेका पूर्व डीआईजी रन्जन कोइरालाको सजाय घटाउने फैसला गरेको थियो ।
फैसला कार्यान्वयन गर्दै डिल्लीबजार जेल प्रशासनले कोइरालालाई बिहीबार रिहा गरिसकेको छ । यद्यपी, अदालतको फैसला त्रुटीपूर्ण भएको भन्दै महान्यायाधिवक्ता कार्यालयले सर्वोच्चमा पुनरावेदन दर्ता गराइसकेको छ ।
प्रधानन्यायाधीश चोलेन्द्रशम्शेर जबरा र न्यायाधीश तेजबहादुर केसीको इजलासले तत्कालिन पुनरावेदन अदालतले जन्मकैदको सजाय सुनाएको कोइरालालाई साढे ८ वर्षमात्र कैद हुने फैसला गरेको थियो । सर्वोच्चको फैसलाअनुसार कोइराला बिहीबार छुटेका छन् ।
प्रतिक्रिया