बागलुङ । अविरल वर्षापछि पहिरो जाँदा बागलुङ जिल्लाको तमानखोला र निसीखोला गाउँपालिकामा ३ जनाको मृत्यु भएको छ ।
मंगलबार बिहान ३ बजेतिर गएको पहिरोले तमानखोला गाउँपालिका वडा नं. २ खालेसोबाङका पानबहादुर विकको घर पुरेको थियो ।
पहिरोले पुरेर सुतिरहेका विकका १३ वर्षीय छोरा खिमबहादुर विका र १२ वर्षीया छोरी रिता बिकको मृत्यु भएको प्रहरीले जनाएको छ । तर, सँगै सुतिरहेकी आमा होमकुमारी बिक भने घाइते भएकी छिन् ।
यसैगरी, सोमबार राति गएको पहिरोले निसीखोला गाउँपालिका वडा नं. १ निवासी कमल परियारको घर पुरिँदा उनका पाँच वर्षीय छोरा समिर परियारको मृत्यु भएको छ । कमलका श्रीमती र छोरीले भने भागरे ज्यान बचाएका थिए ।
प्रतिक्रिया