काठमाडौं । सत्तारुढ नेपाल कम्युनिष्ट पार्टी नेकपाभित्र चर्किएको सत्ता संघर्षका उत्कर्षतिर अघि बढ्दै जाँदा कतिपय नेताहरुले कित्ताकाँट गर्न सुरु गरेका छन् ।
नेकपाको सचिवालय र स्थायी कमिटीमा अहिलेसम्म अध्यक्ष पुष्पकमल दाहाल प्रचण्डको बहुमत रहेको मानिँदै आएको छ । तर ९ सदस्यीय सचिवालयमा निर्णायक जस्तो भूमिकामा रहेका उपाध्यक्ष वामदेव गौतमले मंगलबार नयाँ प्रस्ताव सार्वजनिक गर्दै सबैलाई चक्मा खुवाइदिएका छन् ।
उपाध्यक्ष गौतमले प्रष्टसँग अध्यक्ष ओलीसँग निकटता देखाउँदै ६ बुँदे प्रस्ताव सार्वजनिक गरेका हुन । गौतमले अहिले ओलीलाई अध्यक्ष र प्रधानमन्त्री दुवै पदबाट हटाउन नहुने जिकिर गरेका छन् ।
गौतमले आगामी एकता महाधिवेशनसम्म ओली अध्यक्ष नै रहने र पाँचै वर्ष प्रधानमन्त्री रहनेगरी नयाँ प्रस्ताव ल्याएका हुन्। ओलीलाई अनुकुल हुनेगरी वामदेवको प्रस्ताव आएपछि प्रचण्ड-नेपाल समुह भने आश्चर्यमा परेको छ ।
पार्टीमा विग्रह रोक्नका लागि गौतमले राखेको ६ वटा प्रस्तावमा प्रचण्डलाई एकता महाधिवेशनसम्म सबै कार्यकारी अधिकारसहितको अध्यक्षको जिम्मेवारीमा रहने रहेको छ ।
नेपाली वामदेवको प्रस्ताव पार्टीलाई जोगाउनसक्ने मध्यमार्गी प्रस्ताव रहेको केही नेताले बताएका छन् ।
प्रतिक्रिया