काठमाडौं । बैठक स्थगित हुने या सुचारु गर्ने बारे यसअघि नेकपाका दुई अध्यक्ष केपी शर्मा ओली र पुष्पकमल दाहाल प्रचण्डबीच छलफल पछि निस्कर्ष निस्किन्थ्यो । त्यसपछि सूचना जारी हुन्थ्यो ।
तर, मंगलबारको बैठक स्थगनबारे अध्यक्ष प्रचण्डसँग परामर्श नगरी ओलीले स्थागित गरिदिए ।
बैठक स्थगनको सूचना बैठकस्थल बालुवाटार जाँदै गर्दा पाएका प्रचण्डसहितका नेताहरु बालुवाटारमा पुगेपछि अलमलमा परेका थिए ।
एकपक्षीय रुपमा बैठक स्थगित गर्न नपाइने भन्दै प्रचण्ड नेपाल पक्षका नेताहरुले बताइरहँदा अहिले दुई अध्यक्षबीच छलफल भैरहेको छ । बालुवाटारमा भैरहेको छलफलमा अर्का नेता झलनाथ खनाल पनि सहभागी भएको बताइएको छ ।
प्रचण्डले बालुवाटारमै बैठक सुचारु गर्ने तयारी गरेपछि ओलीले छलफलका लागि बोलाएका हुन् ।
अन्य स्थायी कमिटी सदस्यहरु भने बालुवाटारमै बसिरहेका छन् ।
प्रतिक्रिया