काठमाडौं । नेपाल प्रहरीका सदस्यहरुलाई कोरोना भाइरसको संक्रमणले सताउन थालेको छ । प्रहरीको हेडक्वारमा कार्यरत थप २३ जना सदस्यलाई कोरोना भाइरस पुष्टि भएको छ ।
यसअघि गत आइतबार हेडक्वाटरमै कार्यरत ४ जनालाई भाइरस संक्रमण पुष्टि भएको थियो ।
आइतबार संक्रमितहरुको सम्पर्कमा आएकाहरुको परीक्षणका क्रममा २३ जना संक्रमित थपिएको नेपाल प्रहरीका प्रवक्ता निरजबहादुर शाहीले बताए । उनीहरुलाई सशस्त्र प्रहरीको बलम्बुस्थित अस्पतालमा स्थापित कोरोना सेन्टरमा लैजाने तयारी भैरहेको छ ।
संक्रमित हुनेहरुमा चालक, मेकानिक्स र मेसमा काम गर्नेलगायत छन् ।
प्रतिक्रिया