२ जेष्ठ २०८२, शुक्रबार | May 16, 2025

कैलालीको टीकापुरमा बाढीका कारण सयौं परिवार विस्थापित, विस्थापितलाई खाना र पिउने पानीको अभाव



कैलाली । बाढीका कारण बस्ने घर डुबानमा परेपछि तीन दिनदेखि कैलालीको भजनी–८ को पुरै वडाका नागरिकको सडकमा बास बसिरहेका छन् ।

सडकमा बसिरहेका नागरिकलाई खाना र पानीको अभाव भएको छ । यसरी सडकमा विस्थापित भएका महिला, बालबालिका र जेष्ठ नागरिक बढी प्रभावित भएका छन् ।

कान्द्रा, काँढा र पथरैया नदीमा आएको बाढी बस्तीमा पस्दा भजनी ८ मा मात्रै १ हजार १५० परिवार विस्थापित भएर सडक र नदीको तटबन्धमा बसिरहेका छन् ।

बाढीले घर जान सक्ने अवस्था नरहेकोले बुधबार बिहानदेखि हुलाकी सडकमा बसिरहेका र घरमा भएका अन्नपात र सरसामान पनि नष्ट भएको उनीहरुले बताएका छन् ।

हुलाकी सडकको कृष्णनगरदेखि सोनाफाँटासम्मको उच्च स्थानमा बाढी पीडित विस्थापित परिवार बसालिएका छ ।

बाढीले तल्लो तटीय क्षेत्रमा रहेका टीकापुर, भजनी नगरपालिका, जोशीपुर, जानकी, कैलारी गाउँपालिका बढी क्षति भएको छ । वाढीबाट टीकापुरमा नगरपालिकामा ८ सय २५ परिवार, भजनीमा दुई हजार एक सय ८० परिवार, जोशीपुर गाउँपालिकामा दुई हजार तीन सय १५ परिवार, जानकी गाउँपालिकामा एक हजार परिवार डुबानमा परेका छन् ।

बाढी र डुबानमा परेका स्थानीयलाई नेपाल प्रहरी, सशस्त्र प्रहरी र नेपाली सेनाको टोलीले उद्दार गरेर अग्लो भूभागमा पु-याईएको छ ।

स्थानीय तहले तैयारी खाना र केहि स्थानीयलाई पिउने पानीको ब्यवस्था गरेपनि विस्थापित हुनेको संख्या ठूलो भएकाले स्थानीय तहको खाना र पानी अपर्याप्त भएको पीडितहरुको गुनासो छ ।

प्रकाशित मिति : १६ श्रावण २०७७, शुक्रबार  १० : ४४ बजे

प्रधानमन्त्री ओलीद्वारा सगरमाथा संवादका अतिथिको सम्मानमा रात्रिभोज

काठमाडौँ । प्रधानमन्त्री केपी शर्मा ओलीले आजदेखि सुरू भएको सगरमाथा

जनताका आवाज सरकारसमक्ष पुर्याउँछौँ : अध्यक्ष प्रचण्ड

डडेल्धुरा । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल

पूर्व खेलाडीहरुको संगठनलाई देशब्यापी विस्तार गरिने

नेपालगन्ज । नेपालगन्जमा गठन भएको पूर्व खेलाडी समाज बाँकेले देशभरका

हावाहुरीका कारण उडान प्रभावित, आठ विमान ‘डाइभर्ट’

काठमाडौँ । हावाहुरीका कारण त्रिभुवन अन्तरराष्ट्रिय विमानस्थलको आन्तरिक उडान पूर्ण

गभर्नर नियुक्तिमा ढिलाइ हुँदा आर्थिक क्षेत्रमा नकारात्मक असर पर्छ : अध्यक्ष प्रचण्ड

बैतडी । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’