बुटवल । कोरोना पुष्टि भएपछि सम्पर्क बाहिर पुगेका बुटवल ६ का २ जना पुरुष आज सम्म पनि फेला परेका छैनन् । शनिबार अबेर सम्मपनि उनीहरु सम्पर्कमा नआएपछि बुटवल उपमहानगर पालिकाको स्वास्थ्य शाखामा अहिले बैठक बसिरहेको छ ।
शुक्रबार आफैले लुम्बिनी प्रादेशीक अस्पतालमा स्वाव दिन पुगेका २ जना शनिबार मध्यन्ह कोरोना पोजिटिभ रिपोर्ट आएको खबर पाएसँगै सम्पर्क बाहिर पुगेका थिए । शनिबार अबेर रातीसम्म पनि उनीहरु सम्पर्कमा नआएको उप महानगरका स्वास्थ्य शाखा प्रमुख कुन्दन कुमार सिंहले जानकारी दिए ।
अस्पतालमा बुटवल उपमहानगर ६ ठेगाना टिपाएका २ जनाले अस्पतालमा एनसेलको मोबाईल नम्बर टिपाएका थिए । कोरोना संक्रमण पुष्टि भएको रिपोर्ट प्राप्त गर्न अन्तिम पटक अस्पतालको फोन रिसिभ गरेका उनीहरुले त्यस लगत्तै मोबाईल सम्पर्क हुन नसक्ने बनाएका थिए ।
अस्पतालले उनीहरुको स्पष्ट खुल्ने गरि ठेगाना र सम्पर्क गर्ने माध्यमको अभिलेख राख्न नसक्दा समस्या उत्पन्न भएको बताईएको छ । उनीहरु सम्पर्क बाहिर गएसँगै लुम्बिनी प्रादेशीक अस्पतालका प्रवक्ता डा. बिष्णु गौतमको पनि मोबाईल उठन छाडेको छ । संक्रमितहरु सम्पर्क बाहिर पुगेको खबर सार्वजानिक भए देखि नै हामीले सम्पर्क गर्न खोजेको अस्पतालका प्रवक्ता डा. गौतमको मोबाईल नम्बर ९८६३९३०१०८ शनिबार देखि उठेको छैन ।
प्रहरी श्रोतका अनुसार उनीहरुको मोबाईल लोकेशन बुटवल आसपासमा नभेटिएको पाईएको छ । उनीहरु भारत जानु अघि पीसीआर टेष्ट गर्न आफै प्रादेशीक अस्पताल पुगेको बताईएपनि उनीहरु सम्पर्क बाहिर हुँदा थप जोखिम बढ्ने देखिएको छ ।
प्रतिक्रिया