१ श्रावण २०८२, बिहिबार | July 18, 2025

नेकपा अध्यक्षद्वय ओली र प्रचण्डबीच आज पनि भेट, सहमतिको सकस कायमै



काठमाडौं । सत्तारुढ नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल ‘प्रचण्ड’ बीच आज पनि छलफल भएको छ ।

प्रधानमन्त्री निवास बालुवाटारमा भैरहेको छलफलमा नेता झलनाथ खनाल र सुवास नेम्वाङलाई सहभागी गराइएको छ ।

गत साउन १३ गतेको स्थायी कमिटी बैठक एकपक्षीय रुपमा स्थगित गरेका अध्यक्ष एवं प्रधानमन्त्री ओलीसँग अर्का अध्यक्ष प्रचण्डको कुनै छलफल भएको थिएन । तर, आइतबारदेखि दुई नेताहरु पुनः छलफलमा सहभागी भएका हुन् ।

पार्टीभित्रको अन्तरविरोध समाधानका लागि बसेको आइतबारकै बैठकको निरन्तरता आज पनि भएको बालुवाटार स्रोतले बताएको छ ।

छलफलमा ओलीले पार्टीको सचिवालयबाटै विवाद समाधान निकाल्नुपर्ने प्रस्ताव राखेका छन् । प्रचण्डले भने स्थायी कमिटीबाटै समस्याको समाधान खोजिनुपर्ने जिकिर गरेका छन् ।

यतिबेला सचिवालयमा ओली बलियो स्थितिमा देखिएका छन् । उपाध्यक्ष वामदेव गौतमको मध्यमार्गी प्रस्ताव र रामबहादुर थापाको मौनताले ओलीलाई सहज अवस्थामा पुर्याएको छ ।

स्थायी कमिटीमा भने ओली अझै पनि अल्पमतमै रहेका छन् । यसकारण, बहुमत अल्पमतको आआफ्नो अंकगणितीय बुझाइका कारण दुई अध्यक्षले पार्टीका दुई अलग अलग निकायबाट समाधानको प्रस्ताव गरेको बुझ्न सकिन्छ ।

असार १० गतेदेखि सुरु भएको नेकपा स्थायी कमिटी बैठक १६ गतेपछि तिक्ततापूर्ण बन्न थालेको थियो । ओलीलाई अध्यक्ष र प्रधानमन्त्री दुवै पदबाट हटाउनुपर्ने प्रचण्ड–नेपाल पक्षका नेताहरुबाट माग भएपछि विवाद बल्झिएको थियो ।

ओलीले पार्टी र सरकारमा एकलौटी गरेको भन्दै अर्को समुहबाट निरन्तर आपत्ति प्रकट हुँदै आएको छ । तर, आफुलाई पार्टीबाट कुनै सहयोग नमिलेको भन्दै ओलीले प्रचण्ड नेपाल समुहको माग अस्वीकार गर्दै आएका छन् ।

पार्टी झण्डैझण्डै फुटको अवस्थामा पुगेपछि पार्टी एकतालाई बचाइरहनुपर्छ भन्ने नेताहरु सतहमा आउन थालेपछि दुवै समुह अहिले मध्यमार्गी सहमतिको खोजीमा लागेका छन् ।

पार्टी उपाध्यक्ष वामदेव गौतमले सहमतिका लागि भन्दै ६ बुँदा अध्यक्षद्वयलाई बुझाइसकेका छन् । पूर्व एमाले र पूर्व माओवादीका कैयौं नेताहरुले पार्टीमा विभाजनकारी सोच विरुद्ध बोल्न थालेपछि भने सहमतिको खोजी हुन थालेको हो ।

अझै पनि एकले अर्कोलाई स्वीकार नगर्ने तर गलाउने रणनीतिमा ओली र प्रचण्ड–नेपाल समुह लागेको देखिन्छ । प्रचण्ड नेपाल समुहमा पनि पूर्व एमालेका धेरै नेताहरुले प्रचण्डलाई स्वीकार गर्न नसकेको अवस्था छ ।

शक्ति सन्तुलनमा सम्वेदनशील अवस्थामा रहेको नेकपामा ओली शिघ्र महाधिवेशन गरेर नेतृत्व सुम्पिन तयार रहेको बताएका छन् भने प्रचण्ड नेपाल समुहले स्थायी कमिटी या केन्द्रीय कमिटीबाटै निस्कर्ष निकाल्नुपर्ने अडानमा रहेका छन् ।

प्रकाशित मिति : १९ श्रावण २०७७, सोमबार  ११ : ४९ बजे

खजुराको आयुर्वेदशाखाबाट गत आवमा २१ हजार २ सय १८ नागरिकलाई सेवा प्रदान

नेपालगन्ज । बाँकेको खजुरा गाउँपालिका अन्तरर्गत रहेको नागरिक आरोग्य सेवा

वायुसेवा निगमद्वारा ऋणको किस्ता भुक्तानी

काठमाडौँ । नेपाल वायुसेवा निगम (नेपाल एयरलाइन्स)ले असार मसान्तसम्म्को ऋणको

आजबाट श्रमिकको न्यूनतम पारिश्रमिक रु १९ हजार ५५०

काठमाडौँ । नेपाल सरकार, रोजगारदाता र श्रमिक सङ्गठनबीच श्रमिकको न्यूनतम

२ बजे सुरु भएको एमाले सचिवालय बैठक जारी

काठमाडौँ । नेकपा (एमाले) को सचिवालय बैठक जारी रहेको छ

एन आई सी एशियाको लिलाम बिक्री पोर्टलमा उपलब्ध छन् लिलाम बिक्री सम्बन्धी विस्तृत जानकारी

काठमाडौ । एन आई सी एशिया बैंकले बैंकिङ्ग सम्पत्तिहरु, बैंकको