कैलाली । सुदूरपश्चिम प्रदेशमा आज थप १७ जनामा कोरोना सङ्क्रमण पुष्टि भएको छ ।
धनगढी प्रयोगशालामा पछिल्लो २४ घण्टामा ४४९ जनाको नमुना परीक्षण गर्दा १७ जनामा पुष्टि भएको सेती प्रादेशिक अस्पतालका सूचना अधिकारी दिलीप कुमार श्रेष्ठले जानकारी दिए ।
शुक्रबार कैलालीको टिकापुर, गोदावरी धनगढी र कञ्चनपुरको भिमदत्त नगरपालिकामा कोरोना संक्रमित फेला परेका हुन् ।
गोदावरी नगरपालिकामा २ महिला र १ पुरुष गरि ३ जना, टिकापुरमा ५ जना महिला र ७ जना पुरुष गरि १२ जना, धनगढीमा १ महिला र कञ्चनपुरको भिमदत्तनगरपालिकामा १ महिलामा कोरोना संक्रमण पुष्टि भएको अस्पतालका सूचना अधिकारी श्रेष्ठले जानकारी दिए ।
प्रतिक्रिया