वीरगन्ज । १५ जना महिला र ६० जना पुरुषको संक्रमण पुष्टि गर्दै पर्साले आज पनि देशका अन्य जिल्लाहरुलाई उछिनेको छ । नारायणी अस्पतालको प्रयोगशालामा शनिबार राति गरिएको परीक्षणमा १५ जना महिला र ६० जना पुरुषमा कोरोना संक्रमण पुष्टि भएको छ, जसमा ९ जना प्रहरी रहेका छन् । एकै दिन ७५ जनामा कोरोना संक्रमण पुष्टि भएको पर्सामा वीरगन्ज महानगरपालिकाका स्वास्थ्य महाशाखा प्रमुख अरुणकुमार महतोमा पनि कोरोना संक्रमण पुष्टि भएको छ । संक्रमितमध्ये ३ जना बारा र एकजना सर्लाहीका नागरिक भएको नारायणी अस्पतालले जनाएको छ ।
संक्रमित मध्य ८ जना संक्रमितमा ज्वरो र खोकीका लक्षण भएका छन् । ७५ जना मध्य ११ जना शुल्क तिरेर कोरोना परीक्षण गर्न आएका थिए भने २९ जना संक्रमितसँग कन्ट्याक्ट ट्रेसिङको क्रममा कोरोना पोजिटिभ देखिएका हुन् । अस्पतालका अनुसार वीरगन्जस्थित भारतीय महावाणिज्य दूतावासका एकजना कर्मचारीमा पनि कोरोना पुष्टि भएको छ ।
शनिबार राति गरिएको परीक्षणमा जिल्ला प्रहरी कार्यालय पर्साका ९ जना प्रहरी, २ जना बारुणयन्त्रका कर्मचारी रहेका छन् । साउनमा मात्र पर्सामा ८ सय ३८ नयाँ संक्रमित थपिएका छन् ।
प्रतिक्रिया