काठमाडौं । सरकारले लामो दुरीको यातायात र हवाई उडान भदौ १६ गते देखिमात्र खुला गर्ने निर्णय गरेको छ ।
मन्तत्रपरिषद्को सोमबार साँझ बसेको बैठकले भदौ १५ गतेसम्म यातायात र अन्तराष्ट्रिय एवं आन्तरिक उडानमा रोक लगाइरहने निर्णय गरेको हो ।
यसअघि गत साउन ५ गते बसेको बैठकले भदौ १ बाट यातायात र उडान सुचारू गर्ने निर्णय गरेको थियो ।
कोभिड—१९ संकट व्यवस्थापन सेन्टर (सीसीएमसी)को सिफारिसअनुसार यो निर्णय गरपएको हो ।
कोरोना भाइरसको महामारी झन बढेपछि आइतबार बसेको सीसीएमसी बैठकले यातायात र हवाई उडान सुचारू गर्ने समय पछि सार्न मन्त्रिपरिषदलाई सिफारिस गर्ने निर्णय गरेको थियो ।
बैठकले अन्तराष्ट्रिय सीमामा थप कडाई गर्ने पनि निर्णय गरेको छ ।
भारतबाट आउने नेपालीका लागि पहिले तोकिएको प्रवेश बिन्दु २० लाई घटाएर १० मा झारेको छ ।
यसबाहेक अन्यस्थानबाट छिर्नका लागि पूर्ण रुपमा निषेध गर्ने निर्णय गरेको छ ।
यसैगरी भारतबाट कामदार ल्याउन पनि रोक लगाइएको छ । सिमा पार गरेर दैनिक किनमेलको काममा समेत रोक लगाइएको छ ।
प्रतिक्रिया