धनुषामा थप १ जनाको कोरोना संक्रमणबाट मृत्यु, जिल्लामा मृत्यु हुनेको संख्या ३ पुग्यो

जनकपुर । धनुषामा कोरोना संक्रमणबाट मृत्यु हुनेको संख्या थपिएको छ । कोरोना संक्रमणका कारण प्रादेशिक अस्पताल जनकपुरको आइसोलेशनमा भर्ना भएका धनुषा विदेह नगरपालिका ८ का ६० वर्षीय पुरुषको मृत्यु भएको छ ।

टिबीबाट सिकिस्त भएका ती पुरुषको स्वास्थ्यमा थप समस्या देखिएपछि गत साउन ८ गते अस्पतालमा भर्ना भएका थिए । उपचारकै क्रममा स्वाव दिएका उनको पीसीआर रिपोर्ट पोजेटिभ आएपछि उनलाई आइसोलेशनमा भर्ना गरिएको थियो।

सोमबार राति उपचारकै क्रममा मृत्यु भएको प्रादेशिक अस्पताल जनकपुरले जनाएको छ ।

सोमबार राती मृत्यु भएका पुरुषुँगै धनुषामा कोरोना संक्रमणबाट मृत्यु हुनेको संख्या ३ पुगेको छ।

गत आइतबार जनकपुरको विनय तारा फाउण्डेशन आस्पतालमा मृत्यु भएका धनुषाको मिथिला बिहारी नगरपालिकाका अस्पतालका सुरक्षागार्डको पीसीआर रिपोर्टमा सोमबार कोरोना पुष्टि भएको थियो ।

दुईसाता अघि धनुषाको शहिदनगर नगरपालिका डुमरियाका एकजना पुरुषको पनि कोरोना संक्रमणबाट मृत्यु भएको थियो।