लगानी बोर्डका सीईओ भट्टलाई काम गर्न नदिन पाटन उच्च अदालतको अल्पकालिन आदेश

खबर कुरा
२७ श्रावण २०७७, मंगलवार
                 

काठमाडौं । लगानी बोर्डका प्रमुख कार्यकारी अधिकृत सीईओ सुशील भट्टलाई काम गर्न पाटन उच्च अदालतले रोक लगाएको छ ।

बोर्डका सीईओ भट्टलाई नियुक्त गर्ने मन्त्रिपरिषद्को निर्णय तत्काल कार्यान्वयन नगर्न पाटन उच्च अदालतले अल्पकालीन अन्तरिम आदेश जारी गरेको हो ।

मुख्यन्यायाधीस नहकुल सुवेदीको एकल इजलासले साउन ३२ गतेसम्मका लागि मन्त्रिपरिषद्को निर्णय कार्यान्वयन नगर्न मंगलबार आदेश जारी गरेको उच्च अदालतका प्रवक्ता शम्भु रेग्मीले बताए ।

अदालतले सीईओको हैसियतमा बोर्डको कामकाज नगर्न भट्टलाई पनि आदेश दिएको छ ।

उच्च अदालतले साउन ३२ गते पक्ष र विपक्ष दुवैलाई छलफलका लागि बोलाएको छ ।

अधिवक्ता जयबहादुर भुजेलले भट्टलाई नियुक्त गर्ने मन्पिरिषद्को निर्णयविरुद्ध प्रधानमन्त्री तथा मन्त्रिपरिषद कार्यालय, बोर्डको प्रमुख कार्यकारी अधिकृत सिफारिस समितिलगायतलाई विपक्षी बनाएर रिट दायर गरेका थिए ।

यसमा तपाइको मत

Your email address will not be published. Required fields are marked *


*