काठमाडौं । पछिल्लो २४ घण्टामा ५२५ जना कोरोना भाइरसका नयाँ संक्रमित थपिएका छन् ।
९ हजार ८५९ जनामा गरिएको परीक्षणमा ५२५ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले जानकारी दिए ।
संक्रमित मध्ये सबैभन्दा धेरै बिहीबार पनि काठमाडौं उपत्यकामै रहेका छन् । उपत्यकामा १२७ जना संक्रमित थपिएका छन् । जसमध्ये काठमाडौंमा १११ जना, ललितपुरमा ११ जना र भक्तपुरमा ५ जना रहेका छन् ।
हालसम्म संक्रमितको संख्या २४ हजार ९५७ पुगेको छ ।
संक्रमितमध्ये हालसम्म ९५ जनाको मृत्यु भएको मन्त्रालयका प्रवक्ता डा. गौतमले बताए । मृत्यु दर प्रतिदशलाखमा ३ दशमलव ३ प्रतिशत पुगेको छ ।
देशभरका होम क्वारेन्टिनमा ४६६ जना व्यक्तिहरु रहेका छन् । देशभरका क्वारेन्टिनमा १४ हजार ७६९ जना व्यक्तिहरु रहेकाछन् ।
पछिल्लो २४ घण्टामा १०९ जना व्यक्ति कोरोना संक्रमणबाट मुक्त भएर घर फर्किएका छा् । हालसम्म १६ हजार ८३७ जना व्यक्ति निको भैसकेका छन् ।
नेपालमा अहिलेसमम् ४ लाख ८३ हजार २८ जनाको पीसीआर परीक्षण गरिएको छ । प्रति १० लाख जनसंख्यामा १६ हजार ५०३ पीसीआर परीक्षण भैरहेको प्रवक्ता गौतमले जानकारी दिए ।
प्रतिक्रिया