काठमाडौं । सत्तारुढ नेपाल कम्युनिस्ट पार्टी (नेकपा) को विवाद सुल्झाउन ६ सदस्यीय कार्यदल गठन गरिउको छ ।
पार्टीका शिर्ष नेतृत्व तहबीच बढेको विवाद समाधान गर्न महासचिव विष्णु पौडेलको संयोजनकत्वमा कार्यदल गठन भएको हो ।
शुक्रबार नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच भएको छलफलमा कार्यदल गठन गर्ने सहमति भएको हो ।
कार्यदलमा जनार्दन शर्मा, शंकर पोखरेल, सुरेन्द्र पाण्डे, भीम रावल र पम्फा भूषाल रहेका छन् । जसमध्ये ओली समर्थनक दुई जना, प्रचण्ड समर्थक दुई जना र नेपाल समर्थक दुई जना नेताहरु रहेका छन् ।
पार्टीमा अहिले देखिएको विवाद समाधान गर्ने गरी कार्यदलले काम गर्ने दुई अध्यक्षबीच सहमति भएको छ । कर्यादललाई पार्टीभित्रको समस्या समाधानका लागि यथाशिघ्र सुझाव दिन भनिएको छ ।
कार्यदल गठनसँगै नेकपाभित्रको शिर्ष नेतृत्वबीच युद्धबिराम भएको छ ।
अध्यक्ष एवं प्रधानमन्त्री केपी शर्मा ओलीले बुधबार राति एपी वान टेलिभिजनलाई अन्तर्वार्ता दिँदै भदौ १ गतेसम्म पार्टीभित्रको समस्या समाधान हुने दाबी गरेका थिए । ओली र प्रचण्डबीच बिहीबार ३ घण्टा छलफल भएको थियो ।
गत असार १६ गतेदेखि देखिएको भाँडभैलोमा कार्यदल गठनगरेसँगै अस्थायी बिराम लागेको छ ।
प्रतिक्रिया