काठमाडौं । छोटो समयमै चर्चित बनेको जीएमई रेमिट प्रालि र हेल्लो पैसाबीच रेमिट्यान्स कारोबार सम्झौता भएको छ ।
विश्वकै ख्यातिप्राप्त रेमिट्यान्स कम्पनी हेल्लो पैसासँग जीएमईको रेमिट्यान्स सम्झौता पछि विश्वभरबाट नेपालमा पैसा पठाउन थप सहज भएको छ ।
सम्झौतामा जीएमई रेमिटको तर्फबाट प्रबन्ध निर्देशक दिवाकर पौडेल र हेल्लो पैसाको तर्फबाट निर्देशक श्री अहेमेद शाजिम खमिसाले हस्ताक्षर गरेका छन् । सम्झौतासँगै दुई कम्पनीबीच कारोबार सुरु भैसकेको छ ।
विश्वभर रहेको हेल्लो पैसाका सम्पूर्ण शाखाहरु र एजेन्टहरुबाट पठाउने रकम जीएमई रेमिटको माध्यमबाट सजिलैसँग नेपालमा रहेका आफ्ना आफन्तहरुले प्राप्त गर्न सक्ने जीएमईका प्रबन्ध निर्देशक पौडेलले बताए ।
नेपालमा जीएमई रेमिटसँग ९ हजार भन्दा बढी एजेन्टहरुबाट आवद्ध रहेका छन् । ती एजेन्टहरुमार्फत सजिलैसँग रकम भुक्तानी लिन सकिने र कुनै पनि बैंकको खातामा तुरुन्तै रकम जम्मा गर्न सकिनेछ प्रबन्ध निर्देशक पौडेलले जनाए ।
जिएमई रेमिटले रेमिट्यान्सको क्षेत्रमा छोटो समयमा नै लोकप्रियता हासिल गरेको छ ।
प्रतिक्रिया