१३ बैशाख २०८१, बिहिबार | April 25, 2024

३ गतेदेखि रुपन्देहीको तिलोत्तमा नगरमा पूर्ण लकडाउन, कुनै पनि व्यवसाय सञ्चालनमा प्रतिबन्ध



बुटवल । बाक्लो जनघनत्व भएको बस्ती नभएको भन्दै लकडाउनको बिपक्षमा रहेको तिलोत्तमा नगरपालिकाले अन्ततः पूर्ण लकडाउन गर्ने निर्णयमा पुगेको छ ।

दिनदिनै कोरोनाको संक्रमण समुदायस्तरमा फैलिएपछि तिलोत्तमा नगरपालिकाले पूर्ण लकडाउन गर्ने भएको हो । बुटवल उपमहानगर र सिद्धार्थनगर ले लकडाउनको घोषणा गर्दा तिलोत्तमाले नगरमा कृषि पेशाको बाहुल्य रहेको र घनाबस्ती नभएको भन्दै लकडाउनको आवश्यकता नरहेको बताएको थियो ।

तिलोत्तमा नगरपालिकाका नगर प्रमुख बासुदेव घिमीरेले पूर्ण लकडाउन गर्दा कृषि उत्पादन गर्ने कृषकलाई मर्का पर्ने भन्दै आवश्यकता नभएको बताएका थिए ।

बिगत ३ दिन देखि लगातार कोरोना संक्रमण बढ्दै गएपछि मंगलबार बिहान बसेको सुरक्षा निकाय, नगर स्थित राजनीतिक दल, तिलोत्तमा उद्योग वाणिज्य संघ लगायतका सरोकारवालाहरुको उपस्थितिमा बसेको संकट व्यवस्थापन केन्द्र (सिसीएमसी) को बैठकले एक हप्ता पूर्ण लकडाउन गर्ने निर्णय गरेको तिलोत्तमा नगरपालिकाले जनाएको छ ।

भदौं ३ गते साँझ ७ बजेदेखि भदौं १० गते साँझ ७ बजेसम्म पूर्ण लकडाउन गर्ने निर्णय भएको छ । लकडाउन अवधिमा साईकल समेत चल्न दिईने छैन । नगर प्रमुख घिमिरेले भने ।

नगर प्रमुख घिमीरेका अनुसार लकडाउन अवधिमा नगरमा दुग्ध डेरी डिपो बिहान ६ देखि ८ बजेसम्म चल्ने छन् ।

त्यस बाहेक सबै प्रकारका पसल व्यवसाय, उद्योगधन्दा, कलकारखाना, निर्माण कार्य, बैंक, वित्तीय संस्था, सहकारी, सरकारी तथा गैरसरकारी संस्थाका कार्यालय, सम्पूर्ण सवारीसाधन तथा साइकल सञ्चालन समेत पूर्णतः बन्द गर्ने सिसीएमसी बैठकले निर्णय गरेको छ।

प्रकाशित मिति : २ भाद्र २०७७, मंगलबार  १२ : ५० बजे

एएचजेड यूके युनिभर्सिटी रिप्रेजेन्टेटिभको नयाँ शाखा बुटवलमा सञ्चालन

बुटवल । अध्ययनका लागि बेलायत जाने विद्यार्थीहरुलाई लक्षित गरि बुटवलमा

भीम रावलले गरे एमाले छोड्ने संकेत !

काठमाडौं । नेकपा एमालेका नेता एवं पूर्व उपप्रधानमन्त्री डा. भीम

कर्णालीका मुख्यमन्त्री कँडेलले पाए विश्वासको मत

सुर्खेत । कर्णाली प्रदेशका मुख्यमन्त्री यामलाल कँडेलले विश्वासको मत पाएका

वर्ल्ड लिंकको इन्टरनेट ९ लाख घरधुरीमा पुग्यो

बुटवल । देशको सबैभन्दा ठूलो इन्टरनेट सेवाप्रदायक कम्पनी वर्ल्ड लिंक

बुटवल ११ बुद्धनगर खानेपानी उपभोक्ता समिति र टोल विकास संस्था बीच जग्गा विवाद !

बुटवल । बुटवल उपमहानगरपालिका-११ बुद्धनगरमा जग्गा भोग चलनको विषयलाई लिएर