बुटवल । बुधबार अपरान्ह सम्ममा रुपन्देहीमा ३६ जना नयाँ कोरोना संक्रमित थपिएका छन् ।
बिहान ९ बजे देखि यता रुपन्देहीमा ३६ जना नयाँ संक्रमित थपिएको स्वास्थ्य कार्यालय रुपन्देहीले जनाएको छ ।
स्वास्थ्य कार्यालय रुपन्देहीका कोरोना फोकलपर्शन केदार साहका अनुसार पछिल्लो ७ घण्टामा बुटवल उपमहानगरपालिकामा १९ जना नयाँ संक्रमित थपिएकाछन् ।
बुटवलको पछिल्लो २४ घण्टामा थपिएको संख्या ३२ हो । त्यसैगरी सिद्धार्थनगर नगरपालिकामा ६ जना, देवदह नगरपालिकामा २ जना, तिलोत्तमा नगरपालिकामा १ जना, सैनामैना नगरपालिकामा १ जना तथा सुद्धोदन गाँउपालिकामा ४ जना र सियारी गाँउपालिकामा ३ जना नयाँ संक्रमित थपिएका छन् ।
यता पछिल्लो २४ घण्टाको बुटवल उपमहानगरको तथ्यांक अनुसार वार्ड नम्बर ३ मा १, वार्ड नम्बर ४ मा २, वार्ड नम्बर ६ मा ४ , वार्ड नम्बर ११ मा १७, वार्ड नम्बर १२ मा १, वार्ड नम्बर १३ मा ६ र वार्ड नम्बर १५ मा १ जना नयाँ संक्रमित थपिएका छन् ।
बुटवल उपमहानगरमा अहिले सम्ममा जम्मा ४२ जना महिला र ८५ जना पुरुष गरि १२७ जना संक्रमित भएका छन् । रुपन्देहीमा भने ५७९ संक्रमित पुष्टि भएको छ भने २४१ जना निको भएर घर फर्केका छन् । रुपन्देहीमा १ जनाको कोरोनाको कारण मृत्यु भएको छ ।
प्रतिक्रिया