रौतहट । रौतहटमा एक पुजारीको गोली हानी हत्या गरिएको छ ।
माधवनारायण नगरपालिका-२ खेसरहियास्थित हनुमान मन्दिरका पुजारी श्रीराम साहलाई टाउकोमा गोली हानी हत्या गरिएको प्रहरीले जनाएको छ ।
मन्दिरमा बसेर खाना खाइरहेको अवस्थामा बुधबार राति करिब साढे ९ बजे अज्ञात व्यक्तिले उनको गोली हानी हत्या गरेको प्रहरी उपरीक्षक रविराज खड्काले जानकारी दिए ।
प्रहरी उपरीक्षक खड्कासहितको टोली घटनास्थल पुगी अनुसन्धानमा जुटेका छन् । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया