१४ जेष्ठ २०८१, सोमबार | May 28, 2024

बाँकेमा ५१ जना संक्रमण मुक्त, तीज मनाउन घर पुगे



नेपालगन्ज । हरितालिका तीजको बिहानै बाँकेका बिभिन्न आइसोलेसन केन्द्रमा बसेर कोरोना भाइरससँग जुधिरहेका ५१ जनालाई आइसोलेसन अवधि पुरा गराएर घर पठाईएको छ ।

आइसोलेसनमा बसेको १४ दिनसम्म कुनैपनि लक्षण नदेखिएपछि उनीहरुलाई घर पठाईएको स्वास्थ्य कार्यालय बाँकेले जनाएको छ ।

समुदायस्तरमा पीसीआर परीक्षण गर्ने क्रममा कोरोना पुष्टि भएका बाँकेका बिभिन्न आइसोलेसन अस्पताल तथा पालिकाहरुले बनाएको आइसोलेसन र होटल आइसोलेसनमा बसेकाहरु मध्य ५१ जनालाई शुक्रबार बिहान घर पठाईएको हो ।

विश्व स्वास्थ्य संगठनले बनाएको मापदण्ड र नेपाल सरकारले बनाएको कोरोना उपचार निर्देशिका अनुसार आइसोलेट भएकाहरु आइसोलेसमा बस्ने अवधि पुरा गरेर पठाइएको स्वास्थ्य कार्यालय बाँकेका कोरोन फोकलपर्शन नरेश श्रेष्ठले बताए ।

श्रेष्ठका अनुसार शुक्रबार घर फर्केकाहरुमा कौशिलानगरस्थित नेपाली सेनाको आइसोलेसनबाट ९ जना, नेपालगन्ज मेडिकल कलेज चिसापानी आइसोलेसन केन्द्रबाट ५ जना रहेका छन् ।

यसैगरी सुशील कोइराला क्यान्सर अस्पताल खजुराबाट ५ जना पनि आइसोलेसन अवधि पुरा गरेर घर फर्केका छन् ।

यस्तै, होटल सिटी प्यालेस सेल्फ–पे आइसोलेसनबाट १५ जना, खुल्ला कारागार आइसेलेसनबाट १३ जना, आदर्शनगर आइसोलेसनबाट ४ जना तथा लायन्स डेन्टल अस्पतालबाट १ जना घर फर्केका छन् । उनीहरुलाई पीसीआर परीक्षण नगराई घर पठाईएको छ ।

स्वास्थ्य मन्त्रालयले बनाएको मापदण्ड अनुसार संक्रमण पुष्टि भएर १४ दिनसम्म लगातार लक्षण नदेखिएको अवस्थामा उनीहरुलाई घर पठाउन सकिने प्रावधान बनाएको छ ।

आज आईसोलेसन अवधि पुरा गरेर घर फर्कनेमा नेपाल उद्योग बाणिज्य महासंघका केन्द्रीय सदस्य कृष्ण प्रसाद श्रेष्ठ, युवा पत्रकार खगेन्द्र दाहाल लगायत छन् । बिहिबारमात्र प्रदेश ५ प्रदेशसभा सदस्य कृष्णा केसी नमुना पनि कोरोना मुक्त भएर घर फर्केकी थिईन् ।

बाँकेमा ७८७ जना कुल संक्रमण पुष्टि भएकोमा ५४७ जना कोरोना संक्रमण मक्त भएर घर फर्केका छन् ।

बाँकेमा २३६ जनाले अहिले पनि आइसोलेसनमा बसेर उपचार गराइरहेका छन् । ४ जनाको कोरोना संक्रमणका कारण मृत्यु भएको छ ।

-फोटो सौजन्य कमल डाँगी

प्रकाशित मिति : ५ भाद्र २०७७, शुक्रबार  ९ : २१ बजे

भोलि कांग्रेस संसदीय दलको बैठक बस्ने

काठमाडौं । नेपाली कांग्रेसको संसदीय दलको बैठक मंगलबार बस्ने भएको

शिक्षा मन्त्रालयद्वारा शिक्षक सरुवा निर्देशिका स्वीकृत, सरुवा रोक्का फुकुवा

काठमाडौं । शिक्षा विज्ञान तथा प्रविधि मन्त्रालयले ‘शिक्षक सरुवासम्बन्धी निर्देशिका,

मङ्गलबार गणतन्त्र दिवस मनाइँदै

काठमाडौं । नेपाली जनताको सङ्घर्ष, बलिदान र परिवर्तनसँग जोडिएको गणतन्त्र

अत्यधिक गर्मीले बर्दियामा तीनदिन विद्यालय बन्द

बर्दिया । बर्दियामा अत्यधिक गर्मीका यहाँका तीन पालिकाले तीन दिन

कैलाश सिरोहियालाई थप तीन दिन हिरासतमा राख्न अनुमति

काठमाडौं । कान्तिपुर मिडियाका अधय्क्ष कैलाश सिरोहियालाई अदालतले तेस्रो पटक