बुटवल । भैरहवा स्थित भिम अस्पतालमा एक जना कोरोना संक्रमित व्यक्तिको मृत्यु भएको छ ।
सोमबार राति रुपन्देही गैडहवा गाउँपालिका– ३ का ५५ वर्षिय कोरोना संक्रमित पुरुषको मृत्यु भएको हो ।
एक साताअघि घरको छतबाट लडेर घाइते भइ युनिभर्सल मेडिकल कलेजमा उपचार गराइरहेका उनको ४ दिनअघि परीक्षण गर्दा कोरोना संक्रमण पुष्टि भएको थियो ।
टाउकोमा रगत जमेका कारण शल्यक्रिया गर्नका लागि उनको पीसीआर परीक्षण गरिएको थियो । कोरोना पोजेटिभ देखिएपछि मेडिकल कलेजले डिस्जार्चका लागि दवाव दिएकाले उनलाई भीम अस्पतालमा भर्ना गरिएको परिवारका सदस्यले बताएका छन् ।
योसंगै रुपन्देहीमा कोरोना संक्रमितको मृत्यु हुने संख्या ६ पुगेको छ ।
प्रतिक्रिया