६ जेष्ठ २०८१, आइतबार | May 19, 2024

पूर्वी नवलपरासीमा भाद्र १४ सम्मका लागि निषेधाज्ञा थप



कावासोती । जिल्ला प्रशासन कार्यालय पूर्वी नवलपरासीले भाद्र १४ गते सम्मका लागि जारी निषेधाज्ञा थप गरेको छ । समुदायमा देखिएको कोरोना संक्रमण बढ्दै गएपछि निषेधाज्ञाको समय थप गरेको हो ।

सङ्क्रमण फैलिन नदिन जिल्ला संकट व्यवस्थापन केन्द्रको मंगलबार बसेको बैठकले निषेधाज्ञा थप गर्ने निर्णय गरेको प्रमुख जिल्ला अधिकारी पिताम्बर घिमिरेले जानकारी दिए ।

प्रमुख जिल्ला अधिकारी पिताम्बर घिमिरेले आदेश जारी गर्दै भाद्र ९ गते राति १२ बजेबाट भाद्र १४ गते राति १२ बजेसम्म तोकिएका अत्यावश्यक सेवा बाहेकका सबै सेवाहरु सञ्चालन गर्न निषेध गरेको जनाएका छन् ।

खुला स्थानमा भेला हुन, भीडभाड गर्न र सभा जुलूस गर्न, जात्रा महोत्सव, दैनिक नित्य पूजा बाहेकका धार्मिक गतिविधि गर्न, शैक्षिक संस्था सञ्चालन गर्न, होटल– रेष्टुरेन्ट सञ्चालन गर्न र निजी तथा सार्वजनिक यातायात सञ्चालन गर्न निषेध जारी गरिएको आदेशमा उल्लेख गरिएको छ ।

यसैगरी सबै प्रकारका उद्योग व्यापार, व्यवसायअन्तर्गतका स्वास्थ्य मापदण्ड विपरीतका क्रियाकलाप गर्न, धार्मिक, सांस्कृतिक कार्यका लागि जमघट गर्न, सिनेमा हल, पार्टी प्यालेस, मनोरञ्जनस्थल, शैलुन, ब्यूटी पार्लर, स्पा, स्वीमिङ पुल, जिमखानासमेत सञ्चालनमा निषेध गरिएको छ ।

कोरोना सङ्क्रमण रोकथाम तथा नियन्त्रणका लागि तत्काल थप सर्तकता अपनाउनुका साथै सरकारले जारी गरेको स्वास्थ्य मापदण्डलाई कडाइका साथ पालना गर्ने गराउने गरी भदौ १४ गतेसम्म अत्यावश्यक सेवालाई निरन्तरता दिइएको जिल्ला प्रशासन कार्यालयका सुचना अधिकारी आनन्द शर्मा भुसालले बताए ।

जिल्लाभर लागू हुने गरी सङ्क्रमक रोग ऐन २०२० को दफा २ बमोजिम आदेश जारी गरिएको सुचना अधिकारी भुसालले जनाए ।

नवलपुरका ३ सय ९९ संक्रमितमध्ये ३ सय ३८ जना संक्रमणमुक्त भई घर फर्किएका छन् । बाँकी संक्रमितको उपचार भैरहेको छ ।

प्रकाशित मिति : ९ भाद्र २०७७, मंगलबार  ३ : ०८ बजे

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए

ट्राफिक प्रहरी जवान घिमिरेको हत्यामा संलग्न ७ जना सार्वजनिक

काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज

ओझेलमा पर्यटकीय रुडुबन्चु पाटन

कालीकोट । कालीकोटको तिलागुफा नगरपालिका-१० मा पर्ने पर्यटकीयस्थल पाटन रुडुबन्चु

इजरायली हवाई आक्रमणमा २० जनाको मृत्यु

गाजापट्टी । मध्य प्यालेस्टिनी क्षेत्रमा रहेको शरणार्थी शिविरको एक घरलाई